Струмица: Парохиски Каритас – потреба и предизвик

Во склоп на парохиските активности планирани во пасторалната година во црквата „Свети Иван Крстител“ – Струмица во сабота 30 мај 2015 година богословот Спасе Спасов, координатор во Македонски Каритас одржа предавање на тема: Парохиски Каритас: потреба и предизвик.

На почетокот од средбата о. Гоце Костов, му се заблагодари на координаторот на Македонски Каритас за подготвеноста да биде во парохијата „Свети Иван Крстител“ – Струмица. Координаторот Спасе Спасов врз основа на црковните документи ја образложи потребата од каритативното делување во парохиите, но исто така и нагласи дека тоа е составен дел од црковниот живот, односно сведочење на Божјото милосрдие.

По одржаното предавање следуваше дискусија од која произлегоа повеќе поттикнувања и размислувања за понатамошно парохиско каритативно делување.

к.мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк