Папата Фрањо им се обрати на учесниците на Летната школа за астрофизика во Ватиканската опсерваторија
Папата Фрањо им се обрати на учесниците на Летната школа за астрофизика во Ватиканската опсерваторија. „Во последно време – пишува тој – сите сме фасцинирани од големите откритија за вселената што ни ги нудат астрономите. Неверојатните слики испратени од новиот вселенски телескоп Џејмс Веб нè оставаат избезумени; и откако опсерваторијата Вера Рубинп почна со работа, ни ветува дека ќе ни покаже дека вселената расте и се менува пред нашите очи“.
„Она што е посебно впечатливо е пространоста на вселената што ја откриваме. Нејзината огромна големина и неверојатен број на идентификувани галаксии, ѕвезди и планети се изненадувачки. Вие, младите луѓе на 21 век, си поставувате за цел на оваа летна школа да ја прегрнете неизмерноста на вселената и да развиете методи со кои можете да го најдете семето на разбирањето во континуираниот проток на нови податоци“, пишува Папата во порака.
„Големо искушение, и во науката и во филозофијата – продолжува папата Фрањо – е да се обидеме да ги добиеме само одговорите што ги очекуваме, а притоа да можеме да дозволиме да нѐ изненадат некои непланирани иновации. Затоа сакам да ви кажам да не бидете задоволни со резултатите од вашите студии додека не се изненадите од нив. И дури и ако погледот ви помине низ прозорецот на астрономијата, не заборавајте ги другите прозорци кои можат да ви покажат важни реалности, како што се сочувството и љубовта, реалностите со кои се соочувате и пријателството што расте меѓу вас овие денови“, поттикна Папата.
Никогаш не губете го тоа чувство за восхит, и во истражувањето и во вашиот живот; нека ве води секогаш љубовта кон вистината и да бидете воодушевени од сето она што ви го нуди секој фрагмент од вселената“, пишува на крајот од пораката на папата Фрањо упатена до младите астрофизичари.
Ватикан њуз/к.мк
