Папата Фрањо во среда 27 јануари 2021 година упати апел по повод Меѓународниот ден за сеќавање на жртвите на холокаустот: „Сеќавањето е услов за подобра иднина на мирот и братството“ – истакна Светиот Отец.
„Денес, на годишнината од ослободувањето на концентрациониот логор Аушвиц, се слави Денот на сеќавање. Се сеќаваме на жртвите на холокаустот и на сите оние кои беа прогонувани и протерувани од нацистичкиот режим. Сеќавањето е израз на човекољубие. Сеќавањето е знак на цивилизираност. Сеќавањето е услов за подобра иднина на мирот и братството. Да се сеќаваш значи и будно да се внимава да не се повторуваат вакви работи, почнувајќи од идеолошки понуди со кои сака да спаси некој народ, а на крајот се уништува и тој народ и целиот свет. Обратете внимание на тоа како започна тој пат на смртта, истребувањето и суровоста“ – рече Папата во апелот на крајот од редовната Генерална аудиенција во средата.
Ватикан њуз/к.мк
