Папата Фрањо во четврток 7 октомври 2021 година присуствуваше на свеченото затворање на дводневната Меѓународна средба организирана од заедницата Свети Егидиј. „Ние сме повикани, како претставници на религиите, да не подлегнуваме на искушенијата на светската моќ, туку да бидеме глас на оние што немаат глас, поддршка за оние што страдаат, застапници на угнетените, жртвите на омраза, отфрлените луѓе на земјата, но скапоцени во очите на оној што живее на небесата“, рече тој во своето обраќање.
Во Римскиот Колосеум се одржа 35. Меѓународна средба за мир на тема „Религиите и културите во дијалог“, во организација на заедницата Свети Егидиј. Народи, браќа, идната земја“ одржана на 6 и 7 октомври. Папата Фрањо претседаваше во четвртокот, 7 октомври, попладне со молитва на христијаните со што ја затвори средбата. На средбата присуствуваа претставници на други светски религии, вклучувајќи го и цариградскиот вселенскиот патријарх Вартоломеј I, големиот имам Ал Азар Ахмад ал-Тајиб, московскиот надрабин Пинхас Голдшмит, а на средбата присуствуваше и германската канцеларка Ангела Меркел, која Папата претходно ја прими во аудиенција.
„Како претставници на религиите сме повикани да не подлегнуваме на искушенијата на светската моќ, туку да бидеме глас на оние што немаат глас, поддршка за оние што страдаат, застапници на угнетените, жртвите на омраза, отфрлените луѓе на земјата, но скапоцени во очите на оној што живее на небесата“, се задачите кои Папата од Колосеум ги довери на верските водачи собрани по иницијатива на заедницата Свети Егидиј. „Денес, се плашат, бидејќи во премногу делови на светот, наместо да преовладува дијалогот и соработката, воениот конфликт ја враќа својата сила како одлучувачко средство за наметнување“, рече Папата. посочи Папата, кој го повтори поттикот изречен во Абу Даби „за недоложната задача што ја имаат религиите во овој чувствителен историски час: да се разоружа човечкото срце“.
„Наша одговорност е, драги верници браќа и сестри, да помогнеме да се искорени омразата од срце и да се осудат сите форми на насилство“, повика Папата. „Со јасни зборови го поттикнуваме ова: одложете го оружјето, намалете ги воените трошоци со цел за да се задоволат хуманитарните потреби, орудијата на смртта да се претворат во орудија на живот. Ова нека не се празни зборови, туку упорни барања што ги упатуваме за доброто на нашите браќа, против војната и смртта, во името на Оној кој е мир и живот“.
„Помалку оружје. а повеќе храна, помалку лицемерие, а поголема транспарентност, почесно распределени вакцини, а помалку неселективно продавање оружје. „Времињата бараат да бидеме глас на многу верници, на едноставни и невооружени луѓе уморни од насилство, така што одговорните за општото добро не се обврзуваат само да ги осудат војните и тероризмот, туку и да создадат услови тие да не се разгорат”, рече Светиот Отец во неговиот говор на свеченото затворање на Меѓународната средба одржана во Римскиот Колосеум.
Ватикан њуз/к.мк
