Првата посета на папата Лав XIV по неговото пристигнување во Турција во четврток наутро, 27 ноември 2025 година беше мавзолејот на Мустафа Кемал Ататурк, каде што се потпиша во Книгата на честа.
Веднаш по официјалната церемонија на пречек на меѓународниот аеродром во Анкара во четврток наутро, папата Лав XIV го посети Мавзолејот на Ататурк во градот – или Аниткабир (буквално „спомен-гробница“) – придружуван од официјална делегација, вклучувајќи го министерот, заменик-гувернерот и командантот на мавзолејот.
Папата се потпиша во Книгата на честа на мавзолејот, пишувајќи: „Му благодарам на Бога што можев да ја посетам Турција и ја повикувам оваа земја и нејзиниот народ на изобилство мир и просперитет“.
Ова е првиот ден на Папата Лав од шестдневната посета на Турција и Либан, што е негова прва апостолска посета во странство. Споменикот е од големо значење за Турците, бидејќи му оддава почит на основачот на модерна Турција и го симболизира раѓањето, модернизацијата и секуларизмот на нацијата.
Мустафа Кемал Ататурк е почитуван како „татко на Турците“ поради тоа што го водеше Турското национално движење, ја основа Република Турција во 1923 година и беше нејзин прв претседател.
Исмет Ињоњу, вториот претседател на Турците, исто така бил погребан тука во 1973 година. Неговиот гроб е свртен кон мавзолејот на Ататурк, од другата страна на церемонијалниот простор.
Аниткабир има четири главни делови: Лавовскиот пат, Церемонијалниот плоштад, Салата на почесните лица (местото каде што се наоѓа гробницата на Ататурк) и Паркот на мирот што го опкружува споменикот.
Ватикан њуз/к.мк
