Во соработка со дигиталната платформа „Selfiestreet“, Дикастеријата за комуникации ќе емитува официјални слики и мултимедијални содржини од Ватикан на големи дигитални екрани поставени на истакнати локации низ Рим и Милано.
Дикастеријата за комуникации објави нова иницијатива за ширење официјални содржини поврзани со Светиот Престол преку мрежата на дигитални екрани со која управува италијанската дигитална платформа „Selfiestreet“.
Почнувајќи од 17 мај, проектот ќе вклучува дневна програма со слики, видеа и специјални емитувања на јавни простори со голема видливост во Рим и Милано.
Иницијативата има цел да ги доближи гласот и активностите на Светиот Престол до пошироката публика преку современи форми на дигитална комуникација.
Во наредните месеци се очекува проектот постепено да се прошири и на дополнителни екрани во други италијански градови, со што дополнително ќе се зголеми досегот на ватиканските содржини надвор од традиционалните медиумски платформи.
Соработката се надоврзува на претходна кампања за визуелна комуникација, промовирана за време на божиќниот период во 2025 година, кога избрани фотографии од папата Лав XIV и пораки инспирирани од Божиќ беа прикажани на големи дигитални екрани во близина на базиликата „Свети Петар“.
Ватикан њуз/к.мк
