На VI. Недела на Словото Божјо, со која завршува и јубилејот на светот на комуникациите, папата Фрањо истакна дека Евангелието е живо и сигурно Слово кое никогаш не разочарува и дека Исус нè ослободува од сите внатрешни окови, отворајќи ги очите на нашите срца, кои често се заслепени од шармот на моќта и суетата што ги прави невидливи за слабите и за страдањата. За време на прославата добија 40 лаици од различни земји ја примија службата лектор
Целото Свето Писмо ни зборува за Божјото Слово кое стана човек за спасение на светот, односно целата Библија го споменува Христос и неговите дела, а Духот потоа го актуелизира во нашите животи и во историјата – рече папата Фрањо. во својата проповед на светата Литургија во недела, 26 јануари, во Неделата на Словото Божјо, која ја предводеше во базиликата во Ватикан. Папата ја основа пред шест години, во третата недела во годината, со која годинава завршува јубилејот на светот на комуникациите. За време на прославата, Светиот Отец ја подели службата лектор на 40 лаици од различни националности, подарувајќи им примерок од Новата Библија – Вулгата, со цел да нагласи дека со своето Слово Бог не повикува да бидеме негови сведоци и да евангелизираме во секое време и на сите места. Потоа, обраќајќи им се на сите верници, им препорача да го читаат Словото Божјо.
Треба повеќе да се навикнеме на читање на Светото Писмо. Сакам да препорачам секој да има мало Евангелие, мал џебен Нов Завет и да го носи во својата торба, секогаш да го носи со себе, да го земе преку ден и да го чита. Еден стих, два стиха… и така, во текот на денот, овој контакт со Господ трае. Доволно е мало Евангелие.
Пристапете кон Божјото Слово со восхит
Словото Божјо е живо Слово, тоа е Исус, и ние мора да му пристапиме со восхит – повика папата Фрањо – и полни со восхит треба да ги отвориме нашите срца и умови за да го слушаме, бидејќи Тој е оној кој зборува кога Светото Писмо се чита во Црквата.
Кога го слушаме Евангелието, Божјите зборови, не значи само да ги слушаме, да ги разбереме, не… Тоа мора да допре до срцето, и да го вдахнови она што го реков, „восхитување“. Словото Божјо секогаш нè восхитува, секогаш нè обновува, влегува во срцето и секогаш нè обновува.
Пет дела во Исусовото послание
Во својата проповед, Папата посебно се осврна на значењето на страниците на Евангелието според Лука, во која Исус, откако прочитал неколку реда од пророкот Исаија, го објавува нивното исполнување и се открива како Месија, оној што е посветен со помазание. Таму се сумирани пет работи кои го одбележуваат Христовото послание: да им донесе радосна вест на сиромашните, да им објави ослободување на робовите, вид на слепите, да ги ослободи угнетените и да ја објави благодатната година Господова. Затоа, Евангелието е Слово на сочувство, милост, светлина, слобода и радост.
Евангелието никогаш не разочарува
Светиот Отец едно по едно ги објасни петте Исусови дела и ги охрабри сите да се зафатат да ги спроведат во пракса. Тој додаде дека преку овие дела Христос ни објавува дека Бог се приближува до нашето сиромаштво, нè откупува од злото, ни ги просветлува очите, го отстранува јаремот на угнетување и ни дава нов живот, одејќи со нас.
Спасението што Тој ни го дава сè уште не е целосно реализирано; тоа го знаеме, а сепак војните, неправдите, жалоста, смртта нема да го имаат последниот збор: Евангелието е, всушност, живо и сигурно Слово, кое никогаш не разочарува. Евангелието никогаш не разочарува.
Радосна вест за сиромашните, Слово на сочувство
Исус, испратен да им ја донесе на сиромашните радосната вест, односно дека Царството Божјо е близу, ни дава да сфатиме дека Господ доаѓа да го посети својот народ, грижејќи се за понизните и бедните – истакна папата Фрањо. Затоа, Евангелието, радосната вест, е Слово на сочувство – Божји стил, заедно со близината и милосрдието – кои нè повикуваат на милост, да му ги простиме долговите на ближниот и великодушно да се ангажираме во општеството.
Иднината му припаѓа на Бога
Прогласувајќи им ослободување на робовите, Христос ни порачува дека деновите на злото се одбројани, бидејќи иднината му припаѓа на Бога – истакна Папата.
Со силата на Духот, Исус нè откупува од секаква вина и го ослободува нашето срце; го ослободува од сите внатрешни окови, носејќи го простувањето на Отецот во светот. Ова евангелие е Слово на милосрдие кое нè повикува да станеме ревни сведоци на мирот, солидарноста и помирувањето.
Моќта и суетата ги прават слабите невидливи
Враќањето на видот на слепите е пошироко дело на Исус, бидејќи ја осветлува внатрешноста на секој човек, каде што престојува гревот. Затоа, Евангелието е Слово на светлината кое нè поттикнува на вистината – истакна Папата – на сведочењето на верата и на доследност во животот.
Месијата ги отвора очите на нашите срца, кои често се заслепени од шармот на моќта и суетата: болести на душата кои не спречуваат да го препознаеме Божјото присуство и кои ги прават невидливи слабите и страдалниците.
Браќа во името Христово
Исус доаѓа и да ги ослободи угнетените. Ниту едно ропство не може да му одолее на делото на Месијата кој нè прави браќа во негово име – додаде Папата. Поради тоа, затворите на прогонството и смртта се отвораат со Божјата сила полна со љубов. Ова евангелие е слово на слободата затоа што поттикнува преобраќање на срцето, искрени мисли и истрајност во искушенијата.
Ново време кое не го троши животот кој го навести Исус
На крајот, благодатната година Господова милост која Исус ја навестува е ново време кое не го троши животот, туку го обновува и,– според Папата – не потсетува на штотуку започнатиот јубилеј и нè подготвува со надеж за последната средба со Откупителот. Затоа, Евангелието е радосно Слово кое што нè поттикнува да прифатиме, да се дружиме и да се упатиме на ходочестие кон Царството Божјо.
Ватикан њуз/к.мк
