Објавена пораката на папата Фрањо за 53. Светски ден на мирот

Објавена пораката на папата Фрањо за 53. Светски ден на мирот

Во четврток 12 декември 2019 година на конференцијата за медимуи во Канцеларијата за печат при Светиот Престол е претставена пораката на папата Фрањо за 53. Светскиот ден за мир, кој Црквата го одбележува на 1 јанаури 2020 година.

Пораката ја претставија кардинал Петер Турксон, префект на Дикастеријата за промовирање на целосен човечки развој, секретарот на Диакстеријата о. Бруно Марие Дуге и професорката Габриела Гамбино, потсекретарка во Одделот за живот во Дикастеријата за лаици, семејство и живот.

Нема мир без надеж, затоа што надежта нѐ поставува на патот на мирот, додека безнадежноста и стравот ја зајакнуваат кревкоста во односите и ризикот за насилство – истакнува Папата и ги повикува луѓето да бидат миротворци, отворени за дијалог без исклучување и манипулација.

Потребно е еколошко преобраќање и нов поглед на животот. Човештвото копнее за мир. Папата потсетува дека војните и судирите се втисанти во човечкиот ум и тело и не прстануваат да рануваат, посебно сиромашните и немоќните. Траумите оставаат понижување, исклучување, тага, неправда како и систематски бес против сопствениот народ и семејство.

Целиот народ тешко се ослободува од веригите за искористување и корупција, кои предизвикуваат омраз и насилство. Мажите и жените, децата и старите лица се лишени од достоинството, физичкиот интегритет и слобода, вклучувајќи ја и она верската, стои во пораката.

Секоја војна е братоубиствена војна која го уништува и самиот проект на братство, кој е врежан во сржта на човештвото. Папата Фрањо објаснува дека војната често настанува поради неподносливост, различност, што воедно ја потпомага желбата за поседување и превласт. Војната произлегува од срце заразено со себичност, горделивост, омраза и негативни слики за другите. Војната е перверзија на односите, хегемонистичка алчност, злоупотреба на моќта, страв и слични фактори – објаснува Папата и потсетува на својот говор во Јапонија, истакнувајќи дека мирот и меѓународната стабилност се неспоиви со било кој обид со закани за разрушување и уништување. Тоа се постигнува со општа етичка соработка и солидарност. Папата постетува дека братството раѓа дијалог и доверба и наведува дека споменот на минатото поттикнува на мировна иднина и ја истакнува важноста за морална совест, лична и политичка волја, затоа што мирот се раѓа во човечкото срце и политичката волја, која треба секогаш одново да се обновува и да се отвора за новите процеси на помирување и обединување на луѓето и заедницата.

Ватикан њуз/к.мк

Категорија: Ватикан, Вести

За авторот