Интересна средба на папата Фрањо со припадник на швајцарската гарда
Пред неколку дена папата Фрањо станал пред зори и излегол во ходникот каде што пред вратата во став мирно стоел припадник на швајцарската гарда.
Папата го прашал: „А што правиш ти овде? Дали беше буден цела ноќ?“
„Да“, му одговорил гардистот малку изненадено.
„Цело време на нозе?“ прашал Папата.
„Ваша Светост, ова е мојата должност која сум ја преземал од својот претходник.“
„Нели си уморен?“
„Ова е мојата должност, Ваша Светост; да внимавам на Вашата безбедност.“
Папата Фрањо благо го погледнал, влегол во својот стан и се вратил носејќи стол: „Сега барем малку седни и одмори се.“
Гардистот бил вкочанет и одговорил: „Свети Оче, простете ми, но не можам! Правилата тоа не го дозволуваат.“
„Правила, велиш?“
„Заповедите на мојот капетан, Ваша Светост.“
Папата на тоа се насмевнал и рекол? „Навистина ли? Па, јас сум Папа и јас наредувам ти да седнеш.“
И така, наоѓајќи се помеѓу правилата и Папата, гардистот го избрал столот.
Папата повторно си заминал во својот стан и по неколку минути се вратил, наоѓајќи го гардистот како и понатаму послушно седи и му донел сендвич со џем кој што му го подготвил.
Пред војникот да може нешто да каже, Светиот Отец му упатил широка насмевка и му рекол: „После сите часови кои си ги поминал стоејќи на стража, сигурно си гладен.“ Гардистот на тоа не стигнал ништо да каже, бидејќи Папата веднаш додал: „Добар апетит, брате.“
Извор: A Friar’s Life blog, Laudato.hr/medjugorje-info/к.мк/Д.И.
