По примањето на веста за последиците од земјотресот во Хрватска, посебно во Бискупијата Сисак, Скопскиот бискуп и Струмичко Скопски епарх Киро Стојанов, на 30 декември 2020 година, упати повик до парохиите, свештениците и верниците да се приклучат на акцијата на Македонски Каритас за собирање парични средства за помош на настраданите од разорниот земјотрес во Хрватска.
Епископот Стојанов повикува на заедништво и солидарност со браќата и сестрите кои се во тешка ситуација и да се соединиме во молитвата, посебно со оние кои ги загубија животите, повредените, нивните семејства, погодените, како и за оние кои помагаат директно на терен.
Акцијата за собирање парична помош за настрадните од земјотресот во Хрватска ќе трае до 15 јануари 2021 година, а собраните средства ќе бидат проследени на Хрватски Каритас, за ублажување на последиците од земјотресот и помош на настраданите.
Паричните прилози можат да се уплатат на следната денарската сметка:
Фондација Македонски Каритас Скопје
Жиро сметка: 300000004360186, Комерцијална банка АД Скопје,
Со назнака: Донација за настраданите во земјотресот во Хрватска.
к.мк
