Во пладневно обраќање Папата апелираше за мирно решение на кризата во Шри Ланка и ја изрази својата близина со украинскиот народ. Тој ја спомена вчерашната беатификација на Исусовецот отец Јенинген и се осврна за неговото следно патување во Канада.
По молитвата Ангел Господов во недела 17 јули, папата Фрањо ја спомена вчерашната беатификација во Елванген, Германија, на свештеник од Друштвото на Исусовци кој живеел во втората половина на 17 век. Неуморен благовесник на Евангелието – рече Папата. Нека примерот и застапништвото на овој свештеник ни помогне да ја почувствуваме радоста од навестувањето на Евангелието кое им го објавуваме на нашите браќа.
Повторно искажа близина со народот на Шри Ланка и ги охрабри сите страни да застанат за мирно решение на актуелната криза, особено во корист на најсиромашните и во почитување на правата на сите граѓани. Им се придружувам – додаде тој – на верските водачи во молитвите сите да се воздржат од сите форми на насилство и да започнат процес на дијалог за општо добро.
И, исто така, секогаш сум близок со измачениот украински народ, кој е погоден од дожд од проектили секој ден – рече Папата и праша: Како е можно да не се разбере дека војната создава само уништување и смрт, отуѓување народи, убивајќи ја вистината и дијалогот? Молам и се надевам дека сите меѓународни актери навистина ќе се застапат да продолжат со преговорите, а не да ја поддржуваат бесмисленоста на војната.
Потсетувајќи дека следната недела ќе отпатува за Канада, папата Фрањо им се обрати на сите нејзини жители, истакнувајќи дека доаѓа во нивната земја пред се во името на Исус за да се сретне и да ги прегрне домородните народи. За жал, во Канада, многу христијани, вклучително и некои членови на верски институции, придонесоа за политиката на културна асимилација, која во минатото на различни начини им нанесе голема штета на домородните заедници – рече тој, осврнувајќи се на неодамнешната средба во Ватикан со претставниците. на домородните народи, на кои им ја изрази својата тага и солидарност за злото што го претрпеле. Затоа – како што рече – неговото патување во Канада ќе биде покајничко ходочатие со надеж дека ќе придонесе за започнатиот пат на исцелување и помирување.
Ватикан њуз/к.мк
