Папата Фрањо ја прими делегацијата на Националната федерација на католички неделници, Синдикатот на италијански периодичен печат, здруженијата „Corallo“ и „Aiart – Cittadini mediali“ и ги охрабри да промовираат „екологија на комуникација“ во дигиталниот свет, по примерот на блажениот Карлo Акутис
Епохалните промени во медиумскиот свет бараат обновена посветеност за промовирање на човечкото достоинство, правда и вистина, законитост и образовна соодговорност, истакна папата Фрањо, обраќајќи се пред делегацијата на италијанските католички комуникатори во четврток, 23 ноември 2023 година.
Создавање мостови, а не ѕидови
Примајќи ја делегацијата на Националната федерација на католички неделници, Синдикатот на италијанскиот периодичен печат, здруженијата „Corallo“ и „Aiart – Cittadini mediali“ на аудиенција во Ватикан, Светиот Отец потсети дека комуникацијата во суштина е споделување, ткаење нишки. на заедницата, создавајќи мостови, без подигање ѕидови
Во контекст на денешните големи „комуникациски автопати“, сè повеќе преполни со информации, папата Фрањо ги повика присутните да одат по три пата.
Пат на образованието
Првиот пат е патот на образованието, кој, како што рече Римскиот бискуп, е од витално значење бидејќи иднината на општеството е во прашање. Образованието е начин на поврзување на постарите и помладите генерации кои денес се потонати во дигиталната култура.
Воспитувањето на младите генерации да се снаоѓаат во сложеноста на денешницата, посебно на Интернет, вклучува внимателност и едноставност, истакна Папата.
Разборитоста и едноставноста се две основни образовни состојки за сноаѓање во денешната сложеност, посебно на Интернет, каде не смееме да бидеме наивни и не смееме да се предадеме на искушението да сееме гнев и омраза.
Промовирање на „екологијата на комуникацијата“
Католичките неделници играат клучна улога во тоа: тие не ги даваат само вестите за настанот, туку ја пренесуваат човечка и христијанска визија насочена кон обликување на умовите и срцата, истакна папата Фрањо.
Затоа ги охрабри италијанските комуникатори да промовираат „екологија на комуникација“ во заедниците, училиштата и семејствата: Имате повик да ги потсетите луѓето дека зад вестите и сензациите секогаш стојат чувства, приказни, вистински луѓе што треба да се почитуваат, рече Римскиот бискуп.
Комуникацијата го воспитува општеството да поттикнува почит и грижа, вклучително и афективни односи меѓу мажите и жените, инсистираше папата Фрањо во своето обраќање.
Пат за заштита на најранливите групи во општеството
Вториот пат посочен од Светиот Отец е заштитата на посебно најранливите групи во општеството, вклучувајќи ги малолетните, старите лица и лицата со попреченост, од инвазивноста на дигиталните медиуми и заводливоста на провокативната и полемичната комуникација.
Папата ги поттикна католичките новинари да продолжат да ја промовираат граѓанската свест на оваа тема без страв, истакнувајќи дека тоа е прашање на комуникациска демократија.
Повикани сте на голема задача: со зборови и слики да се заштити достоинството на луѓето, посебно малите и сиромашните, Божјите миленици.
Пат на сведочењето
На крајот, папата Фрањо го истакна патот на сведочењето. Тој го наведе примерот на блажениот Карло Акутис кој, како што рече, во неговата младоста знаел да користи нова комуникациска технологија за да го пренесе евангелието, да пренесе вредности и убавина.
Навистина, продолжи Папата, сведочењето е пророштво, тоа е креативност, која нè ослободува и нè принудува да ги засукаме ракавите, да ги напуштиме зоните на удобност и да ризикуваме.
Верноста кон Евангелието, додаде Светиот Отец, бара од нас да зборуваме за братство во индивидуалистички свет; мирот што му е потребен на светот, кој е во војна; и ни наложува да покажеме внимание кон сиромашните во ова нетрпеливо и рамнодушно општество.
Затоа папата Фрањо го заврши обраќањето доверувајќи ја работата на италијанските комуникатори на блажениот Карло Акутис и Свети Фрањо од Салес, покровител на католичките новинари и писатели, за да можат да ги водат чекорите по патиштата на формација, заштита и сведочење.
Ватикан њуз/к.мк
