Светиот Отец во аудиенција ги прими членовите на Deloitte Global, меѓународна консултантска компанија. Бидете целосни советници за соработка во пренасочување на начинот на живеење на оваа планета, која ја оштетивме во однос на климата и нееднаквоста, е повикот на папата Фрањо, во четврток 22 септември 2022 година. „Ниту еден профит не е легитимен ако не ја исполнува целта за целосно почитување на човечката личност“, нагласи Светиот Отец, цитирајќи го папата Павле VI: „Новото име за мирот е развој во социјалната правда“.
Во својот говор, папата Фрањо истакна дека бизнисот има сила и искуство да им помогне на луѓето кои страдаат и да ги решава кризите ширум светот – вклучително пандемии и војни.
Deloitte Global е еден од најголемите „играчи“ меѓу сметководствените компании и вработува околу 350.000 луѓе ширум светот.
Папата им се заблагодари за нивната посета и работа, а потоа го привлече вниманието на бројните предизвици што го мачат светот и предложи три начини со кои можат да промовираат похуман, поправеден и побратски свет.
Три предлози
Првиот начин е постојаната свест дека може да се остави трага. Таа трага, објасни Папата, секогаш треба да биде позитивна, насочена кон подобрување на севкупниот човечки развој.
Добро ја знаете вашата „моќ“, рече Папата и истакна: „Таа треба постојано да биде придружено со желбата вашите анализи и предлози да ги насочувате кон избори во согласност со парадигмата за целосна екологија“.
„Добро прашање што треба да си го поставите кога оценувате што е и што не е ефективно би било: „Каков свет сакаме да оставиме за нашите деца и внуци?“
Вториот предлог на Папата е извршните директори да ја преземат и исполнат својата културна одговорност, која исто така произлегува од нивното богатство на интелигенција и врски. Третиот предлог е да се зголеми разноликоста. „Претприемачкиот биодиверзитет е исто така суштински услов за стабилност, рамнотежа и човечки просперитет. Тоа е она што се случува во природата, а може да се случи и во економските „екосистеми““, објасни Папата.
Жртви на контра развој
Во изминатите 15 години, истакна понатаму папата Фрањо, светот доживеа сериозни и постојани кризи. Не завршивме со справувањето со финансиската криза од 2007 година, но веќе моравме да се справиме со кризата на националниот долг и реалните економии, проследена со пандемијата и војната во Украина со сите нејзини глобални последици и закани, рече Светиот Отец.
Тој изрази жалење што нашата планета продолжува да страда од последиците на климатските промени; сурови и скриени војни се водени во различни региони, а десетици милиони луѓе беа принудени да мигрираат од своите родни огништа. Додека секојдневно животот се подобрува за еден дел од човештвотот, другиот дел страда од „бескруполозни избори“ и стана главна жртва на „своевиден контра развој“.
„Што можат да направат стручните консултанти во оваа тешка и неизвесна ситуација? Тие можат многу да направат, организирајќи ги нивните анализи и предлози со целосна перспектива и визија“.
Да се предложат нови насоки за нови предизвици
Папата потсети дека достоинственото вработување на луѓето, грижата за нашиот заеднички дом, економската и социјалната вредност и позитивното влијание врз заедниците се меѓусебно поврзани.
„Денешните консултанти, свесни за својата улога, се поканети да предложат и разговараат за нови насоки за нови предизвици.
Папата Фрањо истакна дека треба да усвојат и да се предложат политики кои исто така го промовираат квалитетот на животот на глобално ниво и приоритетот на целокупната благосостојба на целата личност и секој човек.
Бидете „целосни консултанти“
Ниту еден профит не е легитимен ако не ја исполни целта за целосно промоворање на човечката личност, универзално одредиште на добра, повластени можности за сиромашните и грижа за нашиот заеднички дом, истакна папата Фрањо.
Желбата на Папата е да им помогне на организациите да одговорат на тој повик. „Вие ги имате вистинските вештини за да соработувате во градењето на потребниот мост помеѓу сегашната економска парадигма – заснована на прекумерна потрошувачка и која е во завршна фаза – и нова парадигма фокусирана на вклучување, умереност, грижа и благосостојба“.
Светиот Отец ги покани да станат „целосни консултанти“ за да „соработуваат во пренасочување на нашиот начин на живеење на оваа наша планета, која ја оштетивме во однос на климата и нееднаквоста.
Ватикан њуз/к.мк
