Кардиналот Оулет упати писмо до епископите на Латинска Америка

Ватикан, 20.4.2013 /к.мк/ – Префектот на ватиканската Конгрегација за епископи, Марк Оулет ја повика Католичката Црква во Латинска Америка на едно ново осознавање. Фактот што новиот папа е еден од нив, треба да биде поттик за нивната духовна грижа, пишува канадскиот кардинал во писмо упатено до епископите на Латинска Америка. Епископите на „Континентот на надеж“ сега треба да се запрашаат, како можат да им бидат уште поблиски на сиромашните, и како може мисијата на континентот, која му лежи на срце на Папата, да биде уште поинтензивна.