Папата Фрањо од Кореја: Светот е уморен од војни

Папата Фрањо пристигна во Сеул и веднаш во првиот говор во пасторалната посета на Кореја повика за „дарот на мирот“ од земјата „која многу и долго трпи“ поради недостатокот на мир, каде што националното наследство „во текот на годините на насилство, прогони и војна беше на тешко искушение.“ Папата во Сината куќа односно во претседателската палата зборуваше пред претседателката на Кореја, цивилни и воени власти и дипломатскиот кор.

Претходно во разговор со претседателката рече дека „во секоја прилика и во секој говор дури и во краток треба да го користиш зборот мир. „Самиот Папа во говорот пред властите и дипломатскиот кор со едноставни и директни зборови зборуваше за нерешените проблеми на нацијата чиј идентитет е обележан со поделба. Кратко време пред доаѓањето на Папата во Сеул, Севернокорејската влада уште еднаш ја покажа својата борбена сила со три проектили во Јапонското Море. Во поздавувањето на Римскиот епископ претседатлката без резерва изрази желба за единство, но во повеќе наврати потсети на северно-корејската нуклеарна закана.

Патот кој папата Фрањо го предлага оди во спротивен правец во однос на промоторите на постојани конфликти. Во говорот ги охрабри „напорите во корист на помирувањето и стабилноста на Корејскиот Полуостров“, бидејќи според неговото мислење „е единствен сигурен пат за траен мир.“ Потоа Петровиот наследник проширувајќи го хоризонтот, рече дека во глобализираниот свет ниту еден конфликт не може да се смета за предност. Посебно на срце ни е барањето мир од страна Кореја – додаде Папата – бидејќи се работи за стабилност тука и во целиот свет кој е уморен од војни.

За да се воспостави и да се зачува мирот Папата тврди дека покажувањето на мускули и кревка рамнотежа заснована на стравот не се соодветно оружје, туку „трпелива работа на дипломатијата“ и трајно настојување „да се уништат ѕидовите на недоверба и омраза.“ Светиот Отец дипломатијата ја нарече „уметност на можното“ која се „темели на одлучно и постојано уверување дека мирот може да се постигне со дијалог и внимателно и ценето слушање, а не меѓусебно обвинување, бескорисни критики и покажување на сила.“

Мирот не е, продолжи Папата, цитирајќи го пророк Исаија едноставна отсутност на војна, туку дела на правдата. А праведноста како крепост се потпира на храбро трпение; таа не бара да ги заборавиме минатите неправди туку со простување, толеранција и соработка да ги надминеме – истакна папата Фрањо.

Обраќајќи се на јужнокорејското политичко водство, папата Фрањо истакна дека вниманието и грижата за младите и слабите е клучно мерило за ефикасна и долгорочна политика за општествен развој. Големиот и мудар народ не се задоволува само со љубов кон својата древна традиција, туку ги вреднува и младите настојувајќи да им го пренесе наследството од минатото, примено во сегашноста.

Денот на малади во Азија, кој што е повод за доаѓањето на Папата во Кореја претставува „драгоцена можност за сите нас да ја слушнеме надежта и загриженоста на младите“. Како и секое собирање на младите на Денот на младите во Азија прашањето е насочено кон нас „какво општество ќе им предадеме“ – нагласи Папата.

Додека забрзаниот развој на земјите се соочува со проблемите и загриженоста за глобализираниот свет, Папата предлага да „се слушне гласот на секој член на општеството“, „посебно внимание да се посвети на сиромашните, најранливите и оние кои немаат глас, не само излегувајќи во пресрет на нивните непосредни потреби, туку и промовирајќи и нивен човечки и духовен раст.“ Така корејската демократија ќе се зацврстува, а државата ќе покаже дека предначи во „глобализацијата на солидарноста, која денес е многу потребна“ – подвлече папата Фрањо.

Кон корејското општество, неговите проблеми, успесите и тешкотиите, Католичката Црква не сака да се постави како учителка ниту сака над нив да владее. Навестувајќи го Евангелието, по зборовите на Петровиот наследник таа ја потврдува својата подготвеност да му служи на корејскиот народ, почнувајќи од младите и сиромашните – рече Папата.

Денес ви гарантирам – истакна папата Фрањо завршувајќи го говорот пред корејската претседателка – постојана желба на корејската католичка заедница насекаде да учествува во националниот живот. Црквата сака да придонесе во воспитувањето на младите, во растот во солидарноста кон сиромашните и оние кои се во потреба, сака да придонесе во образованието на младите генерации граѓани подготвени со мудрост и долгорочност, наследени од предците родени од нивната вера да се соочат со политичките и општествените предизвици на земјата – заврши папата Фрањо.

РВ/Д.И.