Изложбата беше подготвена од Државниот архив на Србија, а на свеченото отворање говореа секретарот за односи со државите на Светиот Престол, надбискупот Пол Ричард Галагер и министерот за надворешни работи на Република Србија, Никола Селаковиќ.
Изложбата „Србија и Ватикан 1878-1914“, која зборува за појавата и развојот на билатералните односи меѓу двете земји, беше отворена во понеделник, 18-ти октомври на Папскиот Латерански универзитет во Рим.
Надбискупот Галагер изрази надеж дека континуираното проучување на историјата на меѓународните односи ќе ги охрабри новите генерации да придонесат за изградба на општество кое сѐ повеќе се обележува со меѓусебна соработка и потрага по општо добро. Монсињор Галагер потсети на периодот помеѓу крајот на 19 и почетокот на 20 век „обележан со тешки меѓународни околности“ за време на кој „и Белград и Ватикан се обидоа да ги подобрат односите, соочувајќи се со разни предизвици што произлегуваат од политичките и верските разлики“. Го спомена Конкордатот од 1914 година, кој, иако „не беше имплементиран или не ги постигна посакуваните цели“, сепак „даде важен придонес за воспоставување дипломатски односи меѓу Светиот Престол и тогашното Кралство на Србите, Хрватите и Словенците во 1920 година, кога свечено беше отворена Апостолската нунцијатура во Белград“.
Отворајќи ја изложбата, министерот Селаковиќ посочи дека од почетокот на својата модерна државност, Србија се обидува да воспостави ефективна комуникација со Светиот Престол со цел да се реши прашањето за односите меѓу христијаните во тој дел од светот мирно и во согласност со напредната Српски уставни решенија од 19 .век, на модерен начин.
Во интервју за „Ватикан њуз“, Срѓан Миљковиќ, прв советник во Амбасадата на Република Србија во Светиот Престол, посочи дека минатата година се одбележа 100. години од воспоставувањето дипломатски односи меѓу Република Србија и Светиот Престол. Според него, изложбата е резултат на плодната соработка помеѓу Министерството за надворешни работи на Република Србија и Државниот архив на Србија. Тој рече дека Државниот архив ја подготвил изложбата врз основа на сопствени документи со многу ентузијазам и професионалност. Основната идеја беше да се сврти вниманието кон периодот пред 1920 година кога официјално беа воспоставени дипломатските односи; згора на тоа, да се посочи и на фактот дека контактите и дипломатската комуникација постоеле уште од Берлинскиот конгрес во 1878 година, кога Србија стекна независност од Турција.
Тој рече дека изложбата ги покажува првите напори за склучување на Конкордат, потпишување на конечната верзија и ратификација во Собранието во 1914 година, како и моментот на отворање дипломатски мисии во Белград и Рим во 1920 година, по завршувањето на Првата светска војна. Документите покажуваат и колку дури и најистакнатите српски интелектуалци и политичари од тоа време ја препознале важноста на дипломатските односи со Ватикан.
Миjковиќ го истакна март 1920 година, кога официјално беа воспоставени односите, и крајот на јуни 1914 година, кога беше потпишан првиот Конкордат меѓу Ватикан и Србија, како важен датум за билатералните односи. „Убедени сме дека оваа важна изложба може да даде значаен поттик за понатамошно зајакнување на добрите билатерални односи што веќе постојат меѓу Србија и Светиот Престол“, заклучи Миjковиќ.
Ватикан њуз/к.мк
