Скопскиот бискуп и Струмичко-скопски епарх, монс. д-р Киро Стојанов во петокот, 7 јули 2023 година, во Резиденцијата на Водно во Скопје го прими Министерот за правда во Македонската влада г-динот м-р Кренар Лога.
Во пријатниот разговор, Министерот за правда и Скопскиот бискуп и Струмичко-скопски епарх, разговараа за предизвиците со кои се соочува нашето општество како и за активностите и структурата на Католичката црква.
Министерот изрази благодарност до Бискупот на приемот и искрениот и отворен разговор, истакнувајќи ја отвореноста на Министерството за правда за соработка со сите чинбеници во општеството, додека Бискупот на Министерот му посака напредок и Божји благослов во многу одговорната служба.
к.мк
