Овогодинешната кампања #RedWeek на Папската фондација „Помош на црквата во неволја“ ќе стави посебен акцент на дискриминацијата и насилството врз жените кои припаѓаат на верските малцинства.
Киднапирањата, присилните бракови, присилното преобраќање и сексуалното насилство честопати ги погодуваат жените и девојките кои припаѓаат на малцинствата во регионите обележани со недостаток на верска слобода и прогонство. Овогодинешната кампања #RedWeek (Црвена недела), која ја води Папската фондација за помош на црквата во потреба од 2015 година, е посветена на овие жени со цел да се подигне јавната свест за прогонот на христијаните и потребата да се гарантира верската слобода.
Како дел од иницијативата, која ќе трае од 17 до 24 ноември, со црвено ќе бидат се истакнати катедралите, храмовите, спомениците и јавните објекти во различни градови на сите континенти. Во повеќе цркви ќе се одржуваат молитви за оние кои не можат да уживаат во верската слобода.
Томас Хајне-Гелдерн, извршен директор на „Помош на црквата во неволја“, објаснува дека кампањата #RedWeek има за цел да „испрати јасна порака за солидарност до христијаните прогонети ширум светот“ и „да им даде глас на оние кои страдаат од последиците од прогонство“. „За нас“, додава тој, „слободното практикување на религијата е еден од столбовите на либералната демократија. Секоја форма на дискриминација врз основа на верска припадност треба категорично да се отфрли“.
Ватикан њуз/к.мк
