Торинското платно повторно изложено за јавноста
После пет години откако за последен пат беше изложено за јавноста, Торинското платно повторно е изложено на 19 април, по повод 200 годишнината од раѓањето на свети Иван Боско и ќе може да се види сѐ до 24 јуни.
На светата Миса со која започна овој период, Торинскиот надбискуп монс. Чезаре Носиља рече дека Торинското платно е спомен на Божјата љубов изразена во нашиот живот. „Најголема љубов“ е мотото на овогодинашното изложување, за кое папата Фрањо ќе го посети Торино на 21 јуни.
Токму со папата Фрањо ќе разбереме – рече на светата Миса надбискупот Носиља, папскиот чувар на Торинското платно – дека ние не го гледаме тоа лице, туку ќе почувствуваме дека тоа нас нѐ гледа, и ќе почувствуваме дека сме повикани да не преминуваме преку многу страдања кои се околу нас и во целиот свет.
Да напомениме на крајот дека посетата на светото платно веќе започна во попладневните часови на 19 април; пристапот е бесплатен и ќе биде отворен за сите со задолжителна резервација. Веќе имаат резервирано повеќе од еден милион посетители.
РВ/З.А.
