Сарај: Прослава на празникот свети Пио од Пиетрелчина

Во среда на 23 септември, во филијалната црква Свети Димитриј и Падре Пио во Сарај со света Литургија во 18 часот свечено ќе биде прославен празникот на свети Пио од Пиетрелчина.

Свети Падре Пио е роден на 25 мај 1887 година во местото Пиетрелчина во Италија. Влегува во капуцинскиот манастир во Сан Џовани Ротондо. Набрзо по ракополагањето ги добива првите знаци на Христовите страдања – стигмите. Умира на 23 септември 1968 година. На 2 мај 1999 папата свети Иван Павле II го прогласи за блажен, а на 16 јуни 2002 година го прогласува за свет.

Традиционално секоја година од осветувањето на црквата Свети Димитриј и Падре Пио во Сарај свечено се прославува празникот на свети Пио од Пиетрелчина.

к.мк/Д.И.

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк.