Претседателот Пендаровски упати честика за Божиќ до Скопскиот бискуп и Струмичко-скопски епарх, монсињор д-р Киро Стојанов
Претседателот Стево Пендаровски, по повод големиот христијански празник Христовото Раѓање – Божиќ, упати честитка до Скопскиот бискуп и Струмичко-скопски епарх, монсињор д-р Киро Стојанов и до сите верници кои го прославуваат Божиќ според грегоријанскиот календар.
Почитувани,
Дозволете ми, на сите христијански верници кои го прославуваат Божиќ според Грегоријанскиот календар, да ви го честитам големиот празник и да ви посакам празничните денови да ги поминете пред се во добро здравје, во мир, хармонија и љубов, исполнети со радост и среќа.
Божиќ како еден од најголемите и најсветлите христијански празници ни носи верба и надеж исполнувајќи ги нашите домови со топлина, а нашите срца со љубов. Токму на денот на Христовото раѓање да ја покажеме нашата добродетел и да бидеме солидарни и грижливи за нашите блиски. Да си даруваме љубов и внимание и да се почитуваме и помагаме.
Само сплотени и со длабока меѓусебна почит и заедништво ќе постигнеме просперитет и напредок на македонското општество.
Христос се роди. Нека ни е честит Божиќ!
Стево Пендаровски
k.мк/фото: prеtsedatel.mk
