Посетата на катакомбите за време на Јубилејот ја зајакнува верата и надежта
Overview
Примајќи ги учесниците на пленарната седница на Папската комисија за сакрална археологија, папата Фрањо рече дека многу ја цени работата за валоризација на оние гробишта кои сведочат за исчекувањето на воскресението. Застанувањето пред гробовите на мачениците ни овозможува да се споредиме со храбриот пример на тие христијани, кој е секогаш актуелен и поттикнува да се молиме за бројните браќа кои денес се прогонувани поради нивната вера во Христа.
Да се валоризираат, во поглед на Јубилејот, ходочестијата во христијанските катакомби, особено на гробовите на мачениците, е знак на надеж и живот – рече папата Фрањо во својот говор упатен до учесниците на пленарната седница на Папската комисија за сакрална археологија, кои ги прими во аудиенција на 17 мај 2024 година.
Важноста на катакомбата Дана
Светиот Отец рече дека ја цени посветеноста за ангажирање, особено на младите студенти, во заштитата, истражувањето и реставрацијата на овие места. Во оваа смисла, тој особено го пофали формирањето на катакомбата Danā, која поттикна вклучување на семејствата и децата во дидактички работилници, тематизација на социјалните мрежи, доделување стипендии и соработка со универзитетите. Имајќи предвид дека – како што рече – за време на јубилејот катакомбите ќе бидат една од најважните дестинации, Папата го истакна нивниот повик за надеж, истакнувајќи дека тие се во согласност со темата на Светата година, а тоа е „Ходочестие на надежта “, и додаде:
Во катакомбите сè заборува за надежта; за животот после смртта, за ослободување од опасноста и за самата смрт со делото Божјо, кој во Христа, Добриот Пастир, нè повикува да учествуваме во рајското блаженство, поттикнато од сликите на бујните растенија, цвеќињата, зелените ливади, пауни и гулаби, овци на пасиште… Се зборуваа за надежта и животот!
Да се даде значење на посетите на гробовите на мачениците
Катакомбите се coemeterium, „гробишта“, односно „спални“ – потсети Папата и истакна дека одлуката за зголемување на бројот на катакомби достапни за ходочесниците е соодветна и поучна, бидејќи тоа се места кои зборуваат за сите, а не само за оние кои го живеат искуството на верата. Воедно, тој ја изрази својата радост поради предлогот на Комисијата, по повод јубилејот да се потенцираат посетите на гробовите на мачениците.
Катакомбите сведочат за очекувањето, надежта на христијанинот кој верува во воскресението Христово и во воскресението на телото. Затоа, ходочестието во катакомбите е како маршрута во која се доживува чувство на исчекување и христијанската надеж. […] Застанувањето пред гробовите на мачениците ни помага да се споредиме со храбриот пример на тие христијани, кој е секогаш актуелен, и нè поттикнува да молиме за бројните браќа кои се прогонувани заради нивната вера во Христа.
Ватикан њуз/к.мк
