Папата Фрањо го прими во аудиенција претседателот на Република Гвинеја Бисао, г-дин Умар Сисок Ембало. Во билатералниот разговор, тие се осврнаа на придонесот на Католичката црква за општото добро во таа земја, особено на областите образование и здравство.
Во понеделник, 29 јануари 2024 година, папата Фрањо во Ватикан го прими претседателот на Република Гвинеја Бисао, г-дин Умар Сисок Ембало.
По средбата со Светиот Отец, претседателот се сретна со државниот секретар на Папата кардинал Пјетро Паролин и со ватиканскиот секретар за односи со држави и меѓународни организации, надбискупот Пол Ричард Галагер.
Канцеларијата за печат на Светиот Престол преку соопштение за медиумите соопшти дека средбите поминале во срдечно расположение и разговор, а биле истакнати добрите односи меѓу Светиот Престол и Гвинеја Бисао.
Во соопштението за печат се наведува и дека Папата и претседателот разговарале за социјалната состојба во Гвинеја Бисао, особено за придонесот на Црквата за општото добро, особено во областа на образованието и здравството.
Ватикан њуз/к.мк
