Слушањето, ентузијазмот и креативноста се квалитетите што ги истакна папата Фрањо на средбата со одговорните за катехетските комисии на Епископските конференции на Европа, собрани на состанокот насловен „Катехеза и катехисти за новата евангелизација“ организиран од Папскиот совет за промовирање на новата евангелизација. Катехезата е традиција, истакна Папата, но треба да биде жива, а не историски пронајдок
На почетокот на својот говор, папата Фрањо го спомена неговото апостолско патување, кое заврши пред два дена, а особено Меѓународниот евхаристиски конгрес во Будимпешта, со цел да посочи дека токму во евхаристиското таинство е силата и поттикот за навестување на Евангелието
Папата ги предупреди присутните на средба со други, да слушнат за неговиот живот и неговата реалност. Човек мора да знае како да ги слуша луѓето на кои им проповеда; слушајте ја нивната култура, историја; ова не треба да се прави површно, мислејќи на однапред подготвени одговори. Зборувам за одговори – додаде тој – но се плашам од катехисти со претходно подготвено срце, лице и однесување. Човек навистина треба да ги слуша и споредува овие култури, изразувањето и најмногу од сѐ „неизговореното, неискажаното, со Словото Божјо, со Исус Христос, живото евангелие.
Според Папата ова е најитната задача на Црквата во европските народи. Големата христијанска традиција на континентот не смее да стане историски пронајдок, инаку веќе не е традиција. Традицијата е или жива или не е традиција, а катехезата е традиција, но жива, од срце до срце, од ум до ум, од живот во живот. Значи, треба да бидеме воодушевени и креативни, со поттикот на Светиот Дух. Катехистот дозволува да биде допрен од реалноста, која ја наоѓа и го пренесува евангелието со голема креативност; или не е катехист, рече Папата.
Исусовите зборови „Одет во град“, од Евангелието по Матеј, го поттикнаа папата Фрањо да потсети како христијаните се повикани да се сретнат со луѓе зафатени со нивните секојдневни обврски, бидејќи катехезата – како што е наведено во Директориумот за катехезата – не е апстрактен пренос на теоретско знаење да се запамети како да станува збор за математички или хемиски формули. Тоа е пред сѐ навестување на воскреснатиот Исус Христос, кој те сака и никогаш не те напушта. Тоа е главното навестување, кое никогаш не смее да нѐ најде уморни, ниту монотони во различните фази на катехетското одење – истакна Папата.
Ја воспостави службата катехист – како што рече Светиот Отец – така што христијанската заедница ќе почувствува потреба да го разбуди овој повик и да го нагласи поголемиот ентузијазам за пренесување на верата. Катехистите се сведоци кои се ставаат во служба на христијанската заедница, за да поддржат подобро разбирање на верата во конкретниот секојдневен живот. Тоа се луѓе кои без престан го навестуваат евангелието на милосрдието; луѓе способни да воспостават потребни врски за прифаќање и блискост.
Папата Фрањо, исто така, ја спомена средбата со бискупи, свештеници и монаси, во катедралата во Братислава, кога истакна дека евангелизацијата никогаш не е само повторување на историјата, а ги спомена и светите евангелизатори Кирил и Методиј, како и Бонифациј. Тие се креативни светци благодарение на Духот. Отворија нови патишта, измислија нови јазици, нови „азбуки“, за да го пренесат Евангелието и да ја инкултурираат верата. За ова е неопходно да се знае како да се слушаат луѓето, народите на кои им се проповеда; треба да ја слушаме нивната култура, нивната историја – рече папата Фрањо и на крајот им се заблагодари на илјадниците катехисти од Европа кои ги подготвуваат децата и младите на нивниот пат на христијанската иницијација.
Ватикан њуз/к.мк
