Папата Фрањо во Ватикан ја прими претседателката на Република Словенија Наташа Пирц Мусар, каде што разговараа за позитивните билатерални односи, војната во Украина и нејзините глобални последици, како и политичката ситуација на Западен Балкан.
Разговорот меѓу папата Фрањо и претседателката на Република Словенија Наташа Пирц Мусар во понеделникот на 22 мај 2024 година во Ватикан траеше половина час. Од 8.50 до 9.20 часот Светиот Отец и претседателката – кој е во посета на Италијанската Република – разговараа во Апостолската палата. Претседателката Пирc Мусар потоа се сретна со кардиналот Пиетро Паролин, државен секретар на Светиот Престол и надбискупот Пол Ричард Галагер, секретар за односи со држави и меѓународни организации.
Разговор во Државниот секретаријат
Во срдечниот разговор, кој се одржа во Државниот секретаријат – како што соопшти Канцеларијата за печат при Светиот Престол, е изразена благодарност за позитивните билатерални односи, како и за придонесот на Католичката црква во општеството. Во текот на разговорот станало збор и за различни меѓународни прашања, меѓу кои војната во Украина и нејзините глобални последици, како и политичката ситуација на Западен Балкан и идните перспективи на регионот во процесот на европска интеграција.
Подароци
Според обичајот, Pапата и претседателката разменија подароци. Папата на претседателката ѝ подари бронзено дело со наслов „Amore sociale“ на кое е прикажано дете кое му помага на друго да стане, со натпис „Amare Aiutare“. Светиот Отец, исто така и ја подари и Порака за мир 2023 година, Документот за човечко братство потпишан од Абу Даби во февруари 2019 година и книгата Statio Orbis објавена на 27 март 2020 година, за време на пандемијата Ковид-19, уредена од LEV, ватиканска издавачка куќа.
Претседателката Пирц Мусар на Светиот Отец му подари словенечки производи од мед и реплика на модел на пчеларник од познатиот словенечки пчелар Антон Јанша.
Ватикан њуз/к.мк
