Папата Фрањо испрати порака до учесниците на средбата на Христијанското работничко движење во шпанскиот град Сеговија, повикувајќи ги сите во Црквата да ги придружуваат луѓето кои се борат и се на маргините на економијата.
Членовите на Христијанското работничко движење на Шпанска католичка акција (Hermandad Obrera de Acción Católica – HOAC) се собраа во шпанскиот град Сеговија на XIV. Генерално собрание кое започна на 12 август, а завршува на 15 август.
На Генералното собрание присуствуваат повеќе од 800 луѓе од 41 бискупија ширум Шпанија.
Учесниците, вклучувајќи надбискупи, бискупи и членови на движењето, се сретнаа за да ги разгледаат и да донесат одлуки за предизвиците, приоритетите и предлозите на Шпанската католичка акција за следните шест години.
Движењето е основано во 1946 година и се обидува да го одрази христијанскиот поглед на реалноста, соочувајќи се со предизвиците со кои се соочува Црквата во светот оптоварен со социјални неволји, нееднаквост и неправда што особено влијае на работната сила.
Темата на средбата е: „Градење мостови, уривање ѕидови: Црквата во светот на работата воспоставува братски врски“.
Работа заснована на човечко достоинство
Во својата порака, Папата изрази благодарност до членовите за нивната непроценлива посветеност и потсети на зборовите од Апостолскиот поттик Evangelii Gaudium, истакнувајќи дека работата е суштинска компонента на животот и човечкото достоинство.
Работата не е само продуктивна активност, туку средство со кое соработуваме со Бога во делото на создавање и се остваруваме како човечки битија – истакнува Петровиот наследник.
Потоа додаде дека човечката работа ни помага да бидеме сокреатори и да учествуваме во градењето на поправеден и посолидарен свет.
Солидарноста на Црквата сред невработеноста
Светиот Отец продолжи да размислува за мисијата на Црквата, која треба да ги придружува перифериите во светот на работата.
Нашата посветеност не смее да биде ограничена на изолирани говори или постапки, истакна папата Фрањо, туку мора постојано да бидеме сведоци на солидарноста и да даваме поддршка на луѓето кои се работно или социјално загрозени.
Посланието на Црквата со работниците, додаде тој, вклучува близина со луѓето кои ги загубиле своите работни места или страдаат од недостаток на можности за вработување.
Христијаните не можат да останат затворени во ѕидовите на нашите црковни згради, повика Папата во својата порака, повикувајќи ги сите активно да допрат до оние на кои им е најпотребна љубов и братство, барајќи праведни и трајни решенија.
Да се воспотават врски на братство
Папата изрази жалење поради фактот што невработеноста продолжува да погодува многу семејства, нагласувајќи дека Црквата треба да биде солидарна со луѓето кои се чувствуваат обесхрабрени и исклучени поради невработеноста.
„Ве охрабрувам да продолжите да воспоставувате братски врски, да ја носите светлината на евангелието и да градите поправедно општество.
На крајот од пораката Папата го повика Светиот Дух да ја води работата на HOAC и да ги зајакне секојдневните напори на членовите, барајќи од нив да продолжат да се молат за Синодата.
„И требате на Црквата!“ – истакнува на крајот Папата во неговата порака.
Ватикан њуз/к.мк
