Обраќајќи им се на членовите на Дикастеријата за меѓурелигиски дијалог по повод нивната пленарна седница, папата Фрањо истакна дека меѓурелигискиот дијалог е клучен во свет растргнат од конфликти.
Повторувајќи го својот апел за дијалог, Светиот Отец рече дека тој се заснова на прифаќање на различностите и почит кон другите и дека може да биде алтернатива на фрагментацијата и конфликтот што ги доживуваме во денешниот свет.
Видлив и институционален знак
Тој потсети дека институцијата е основана на Педесетница од папата Павле VI. во проповедта од 1964 година, како „Секретаријат за нехристијани“ за време на Вториот ватикански собор. Интуицијата на неговиот претходник, продолжи Папата, се заснова на свесноста за експоненцијалниот развој на односите меѓу луѓето и заедниците од различни култури, јазици и религии – аспект на она што денес го нарекуваме глобализација. Свети Павле VI, кој гледаше кон иднината, го постави Секретаријатот во Црквата како видлив и институционален знак за дијалог со луѓето од другите религии, додаде Светиот Отец.
Светиот Отец се осврна и на стапувањето во сила на Апостолската конституција Praedicate Evangelium за Римската курија и рече дека оваа подрачје за служење на Црквата и светот не изгубила никаква важност.
„Глобализацијата и забрзувањето на меѓународните комуникации го прават дијалогот воопшто, а особено меѓуверскиот дијалог, клучно прашање.
Вистинска потрага по Бога
Темата на пленарната седница „Меѓурелигиски дијалог и дружељубивост“ е соодветна во време кога целата Црква сака да расте во синодалност, да прерасне како Црква на заемно слушање во која секој има што да научи, истакна Папата.
Како што рече Светиот Отец, „нашиот сè повеќе меѓусебно поврзан свет не е толку братски и пријателски. Во тој контекст, тој ги потсети членовите на Дикастеријата дека меѓурелигискиот дијалог мора да се постигне преку делување, теолошка размена и духовно искуство за да се промовира „вистинската потрага по Бог“ меѓу сите луѓе.
„Ова е вашето послание – нагласи тој – да го промовирате со другите верници, на братски и пријателски начин, патот на барање на Бога; земајќи ги предвид луѓето од другите вери, не апстрактно, туку конкретно, со историја, желби, рани, соништа“. Само така, додаде Светиот Отец, е можно да се изгради свет погоден за сите, во мир.
Папата Фрањо се осврна и на голем број кризи на кои сме сведоци, истакнувајќи дека „некои се обидуваат да избегаат од реалноста криејќи се во приватни светови, други се обидуваат да се справат со деструктивно насилство, но помеѓу себичната рамнодушност и насилниот протест постои една опција која е секогаш возможна: дијалогот“.
Алтернатива за фрагментацијата и конфликтот
Човештвото е огромен мозаик, опиша Папата, кој е веќе убав сам по себе, но само заедно со другите плочки прави слика, во дружељубивоста на различностите. Тоа, рече тој, значи да се биде во состојба да се замисли и да се изгради среќна иднина со другите.
Дружељубивоста, додаде тој, ја одразува желбата за заедништво, кое живее во срцето на секое човечко суштество, благодарение на тоа секој може да разговара еден со друг, да разменува проекти и да зацрта заедничка иднина. Тој објасни дека дружељубивоста обединува општествено, но предупреди на колонизација на другиот и зачувување на секој, разновиден идентитет.
„Во таа смисла, [дружељубивоста] има политичка важност како алтернатива на општествената фрагментација и конфликти.“
Дружење со сите
Папата Фрањо го заврши своето обраќање со охрабрување на присутните да го негуваат духот и стилот на дружељубивоста во нивните односи со луѓето од други религиозни традиции. „Тоа ни е многу потребно денес во Црквата и во светот!
Папата потсети дека Исус се дружел со сите, со оние луѓе кои се сметале себеси за грешници и нечисти, ја делел трпезата со даночниците без предрасуди. Тој се покажа како верен слуга и пријател до крај, а потоа и како Воскреснат, Живиот кој ни ја дава благодатта на сеопштото дружење, рече на крајот папата Фрањо.
Ватикан њуз/к.мк
