Папата го именува надбискупот Иван Јурковиќ за нунциј во Канада

Папата го именува надбискупот Иван Јурковиќ за нунциј во Канада

Иван Јурковиќ 69 годишниот надбискуп од Словенија поранешен нунциј во голем број земји извршуваше многу важни должности, меѓу кои и преставник на Светиот Престол при Организацијата на обединетите нации и во други меѓународни организации.

Папата Фрањо го именува за апостолски нунциј во Канада надбискупот Иван Јурковиќ досегашен постојан набљудувач на Светиот Престол при Канцеларијата на Обединетите нации и посебните институции во Женева и при Светската трговска организација. Освен тоа беше и претставник на Светиот Престол при Меѓународната организација за миграција.

Надбискупот Јурковиќ е роден во Кочевје во Словенија, за свештеник е ракоположен во 1977 година. Откако дипломирал теологија на Универзитот во Љубљана формацијата ја продолжил како дипломат на Папскиот универзитет. Во дипломатската служба на Светиот Престол влегува во 1984 година и бил на должноста секретар во папското претставништво во Јужна Кореја. Во 1988 година се стекнува со титулата доктор по канонско право и до 1992 година бил во служба на финансискиот ревизор во папското претставништво во Колумбија.

Од 1992 до 1996 година бил советник во апостолската нунцијатура во Русија. Интензивно делувал и како универзитетски професор (по канонско право, филозофија, теологија и историја) и во тоа време објавил неколку книги. Освен тоа бил советник во ОБСЕ – Организација за безбедност и соработка во Европа.

Свети Иван Павле II на 28 јули 2001 година го именува за надбискуп на Крбаве и апостолски нунциј во Белорусија. Епископско посветување примил во октомври истата година, во Љубљана преку рацете на кардиналот Анџело Содано, а во 2004 година му е доделена службата нунциј во Украина. За нунциј во Русија е именуван на 19 февруари 2011 година, година и два месеци по формализација на полните дипломатски односи помеѓу Русија и Светиот Престол. Истата година е именуван и за нунциј во Узбекистан. Папата Фрањо на 13 февруари 2016 година го избира за постојан набљудувач при Организацијата на обединетите нации во Женева, а сега му ја доверува дипломатската должност во Канада.

Ватикан њуз/к.мк

Категорија: Ватикан, Вести

За авторот