Никарагва. Епископите на Латинска Америка го осудуваат вознемирувањето на Црквата од страна на владата
Бискупска конференција на Латинска Америка и Карибите ја изразува својата близина и солидарност со целиот Божји народ на Никарагва: со епископите, свештениците, монасите и монахињите, лаиците соочени со постојани напади на државните власти.
Во пораката која ја потпишаа монс. Мигуел Кабрејос Видарте и монс. Хорхе Едуардо Лозано претседател и генерален секретар на Епископската конференција на Латинска Америка и Карибите, ја изразуваат својата близина со Црквата во Никарагва која е жртва на континуирани напади на државните тела.
Послените настани, како опсадата на свештениците и бискупот, протерување на припадници на монашки заедници, сквернавење на места за богослужба и затворање на радио станици, длабоко нѐ повредија. Ја изразуваме нашата солидарност и близина со нив, стои во документот.
Пораката на солидарност упатена до целиот Божји народ на Никарагва: до епископите, свештениците, монасите и монахињите, лаиците, гарантира дека латиноамериканските епископи ги придружуваат браќата на различните патишта, сака да бидат глас на оние кои немаат глас, да изградат дијалог кој е способен да го зацрта патот на единството и мирот.
Сакаме да се присетиме на Словото Божјо кое среде потешкотиите говори: не плаши се и не стравувај затоа што каде да отидеш со тебе е Јахве, Твојот Бог, стои во пораката во која бискупите ветуваат дека молат за оние кои страдаат.
Ватикан њуз/к.мк
