Од 26 до 28 февруари 2024 година во Подгорица Македонски Каритас со тимот вклучен во проектот YourJob II учествуваше на Регионалната конференција насловена „Вработување на младите – предизвици и можности“.
Конференцијата ја отвори надбискупот на Бар и претседател на Каритас Црна Гора монс. Рок Ѓонлешај. Поздравни зборови упати г. Марко Ѓеловиќ, директор на Каритас Црна Гора, кој истакна дека невработеноста кај младите е глобален проблем, а со тоа и во Црна Гора. Коордианторот на Македонски Каритас г. Спасе Спасов ги презентираше планираните активности на проектот YourJob II во Македонија.
По воведните поздрави и зборови за поддршка за програмата YourJob II и презентацијата на програмата, беа организирани две панел дискусии, на кои беа споделени искуства и примери на добри пракси.
Програмата „YourJob II“ е регионален проект за создавање можности за вработување на младите на Балканот и се реазлира од 2019 година. Конкретните активности ја зголемуваат конкурентноста на младите на пазарот на труд и влијаат на намалување на невработеноста кај младите. Програмата се спроведува во Албанија, Босна и Херцеговина, Косово, Србија, а од оваа година се спроведува и во Македонија и Црна Гора.
Во Македонија проектот го спороведува Македонски Каритас во општините Струмица, Босилово, Василево, Ново Село, Гевгелија и Богданци.
к.мк
Посетете ги профилите на YourJob на
