Бурке: Посетата на Папата на Асизи фокусирана на милосрдието

Во целост фокусирано на милосрдието и прошката; кратко но многу силно – така новиот директор на Канцеларијата за печат на Светиот Престол Грег Бурке ја опиша посетата на Папата на Асизи на 4 август 2016 година.

По размислувањето во базиликата Света Марија од Ангелите, папата Фрањо ги повика свештениците и епископите да отидат во исповедилниците и да бидат на располагање за светата Тајна Помирување како што и тој самиот направи и за еден час време исповеда 19 луѓе.

Откако Папата излезе од базиликата ги поздрави собраните епископи и фрањевци, а меѓу нив беше и имамот на Перуџа со кој се задржа неколку минути во срдечен разговор. Пораката за прошка е „светска порака“ која на светот во овој момент му е потребна – рече Бурке. Папата нагласи дека понекогаш е многу тешко да се прости, но простувањето сепак треба да се направи. Пред сè Бог на нас ни прости и треба да научиме и ние тоа да го правиме – истакна новиот директор на Канцеларијата на Светиот Престол.

РВ/к.мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк
Категорија: Ватикан

За авторот