Папа Лав XIV: Јосиф, кревок човек, се откажува од своите убедувања за да му се предаде целосно на Бога
Во своето пладневно обраќање пред молитвата Ангел Господов, Папата ги истакна квалитетите на Свршеникот на Марија: побожност, љубов и милосрдие. Овие ставови негуваат срце на простување и охрабрување, помагајќи ни едни на други да бидеме пријатни јасли.
Кршливоста на човекот и неговата сигурност; познатите брегови и мирните пристаништа од кои Јосиф се одвојува за да појде на отворено море, доверувајќи се на пат што не е нацртан од човечки карти, туку е од „рацете Божји“. Божиќ се приближува, а со него и ликот на земниот татко на Исус, кој во недела, 21 декември 2025 година, беше во центарот на мислите на папата Лав XIV во неговата катехеза пред молитвата Ангел Господов, која ја молеше во присуство на мноштво верници собрани на плоштадот Свети Петар.
„Крвлив и грешен“ човек
Литургијата на Четвртата недела од Адвентот се фокусира на Свршеникот на Марија, претставен на посебен начин во моментот кога Бог му го открива во сон неговото послание. Тоа е многу убава страница во историјата на спасението чиј протагонист е кревок и грешен човек, како нас, но во исто време храбар и силен во верата – истакна Папата.
Милост што доаѓа од побожност
Праведен човек – вака го дефинира евангелистот Матеј, опишувајќи го Јосиф како побожен Израелец кој го почитува Законот и ја посетува синагогата. Светиот Отец нагласи дека овие карактеристики не го прават ригиден ниту ја намалуваат неговата чувствителност и човечност. Напротив, Јосиф од Назарет ни се појавува и како – како што рече Папата – исклучително чувствителна и хумана личност. Го гледаме ова кога, дури и пред ангелот да му ја открие тајната што се остварува во Марија, соочен со ситуација што е тешко да се разбере и прифати, тој не го избира патот на соблазната и јавната осуда кон својата идна жена, туку патот на дискретно и добронамерно тајно отпуштање.
На овој начин, тој покажува дека го разбира најдлабокото значење на сопствената верска послушност: смислата на милосрдието.
Напуштање на сигурноста
Чистотата и благородноста на неговите чувства стануваат уште поочигледни кога Господ му го открива во сон својот план за спасение, покажувајќи му ја неочекуваната улога што мора да ја преземе: да биде Свршеник на Девицата, Мајка на Месијата.
Потоа Јосиф, во голем чин на вера, ја напушта својата последна сигурност и се движи кон иднината која сега е целосно во Божји раце.
Свети Августин ја опишува неговата согласност на следниов начин: „Преку побожноста и љубовта на Јосиф, од Дева Марија се роди син, а тоа самиот Син Божји“ (Сермо 51, 20.30).
Јосифовите крепости
Побожност и љубов, милосрдие и посветеност: тоа се крепостите на човекот од Назарет што Литургијата ги поставува пред нас во четвртата недела од Адвент, за да нè придружуваат кон Светиот Божиќ во овие последни денови – рече Папата и нагласи: Овие важни ставови го формираат срцето за средбата со Христос и нашите ближни и можат да ни помогнат да бидеме пријатна сцена еден за друг, отворен дом, знак на Божјото присуство.
Простување и охрабрување
Како можеме да го примениме сето ова во нашиот секојдневен живот? Папата Лав XIV поттикна да не ја пропуштаме можноста во ова време на благодат да простиме, да охрабриме, да дадеме малку надеж на луѓето со кои живееме и на оние што ги среќаваме. Тој исто така ги охрабри верниците да ја обноват во молитва својата синовска посветеност на Господ и Неговата Промисла, доверувајќи му сè со доверба.
Нека ни помогнат во ова Дева Марија и Свети Јосиф, кои први го прифатија Исус, Спасителот на светот, со вера и голема љубов.
Ватикан њуз/к.мк
