Светиот Престол: Време е за храбри одлуки за Блискиот Исток

Њујорк, – Светиот Престол со голем интерес и загриженост ја следи ситуацијата на Блискиот Исток. Секогаш се застапуваше да има преговори и дијалог меѓу вклучените страни. Црквата сесрдно се обидуваше да направи сèшто може да им помогне на жртвите на насилството, се вели во изјавата на надбискупот Бернардито Ауза, апостолски нунциј, постојан надбљудувач на Светиот Престол при Обединетите нации, на отворената дебата на Советот за ситуацијата на Блискиот Исток, вклучувајќи го и палестинското прашање, што се одржа во Њујорк, на 21 октомври.

Со оглед на забрзаната и влошена ситуација во тие региони во текот на последниве месеци, папата Фрањо ги интензивира своите напори за поттикнување на преговори и ги покани сите земји да го почитуваат меѓународното хуманитарно право и основните човекови права. Првата недела од месец октомври, Папата ги повика во Ватикан апостолските нунции за земјите од Блискиот Исток, постојаните набљудувачи при меѓународните организации и високите претставници ви Ватикан како би разговарале за ситуацијата на Блискиот Исток. Токму на 20 октомври Папата одржа состанок со кардиналите за да разговараат за истиот проблем. По тие состаноци, Светиот Престол го повтори своето убедено мислење дека мирот на Блискиот Исток може да се брани само преку преговори, а не преку наметнатата унилатерална одлука со употреба на сила, се вели во изјавата на нунцијот Аузе која Канцеларијата за печат на Светиот Престол ја објави на 29 октомври.

Што се однесува до израелско-палестинското прашање, Светиот Престол ја повторува својата поддршка за решението на двете држави. Израел и Палестина, со силна поддршка од надлежните органи на Обединетите нации и целата меѓународна заедница, мора да работат на конечната цел, а тоа е остварувањето на правата на Палестинците со што ќе имаат своја суверена и независна држава, а Израилците да имаат право на мир и сигурност. Што се однесува до застрашувачката ситуација во Сирија, Светиот Престол итно ги повика сите земји да го запрат масовното кршење на меѓународното хуманитарно право и основните човекови права, а меѓународната заедница да и помогне на истите да пронајдат решение. Не постои друг начин да се разреши и да се стави крај на бесконечните прашања на целата нација, каде што пола од тамошното население има потреба од хуманитарна помош, а околу една третина се раселени, се вели во изјавата.

Што се однесува до тешките сериозни насилства и злоупотреба, предизвикани од страна на таканаречената „исламска држава“ во Ирак и Сирија, релевантните органи од Обединетите нации мора да делуват така како би спречиле од евентуални нови геноциди и како да им се пружи помош на се поголемиот број бегалци. Светиот Престол посебно апелира за заштита на етничките и религиозн групи, вклучувакќи ги христијанските заедници, кои се мета на терористичките групи и жртви на насилството заради своите етнички корени и верски убедувања. Светиот Престол инсистира на почитување на правата на тие заедници и правата на сите раселени лица за да се вратат во своите домови да живеат во достоинсвена безбедност.

Светиот Престол се надева дека Обединетите нации немилосрдниот феномен на тероризмот во светот кој зазема сè поголем замав ќе го сфатат како можност за повторно итно да се примени меѓународната правна рамка од мултилатералната примена на одговорноста за да се заштитат луѓето од геноциди, воени злосторства, етничките чистења, злосторството против човештвото и сите форми на неправедната агресија. Со научената лекција од нашиот неуспех да се запрат недамнешните стравови од геноцидот и денешното соочување со очигледните и масовните кршења на основните човекови права како и меѓународното хуманитарно право, време е за храбри одлуки, рече во изјавата ватиканскиот набљудувач.

РВ/З.А.