Божиќната елка висока 26 метри пристигна од италијанската покраина Абруцо, во централна Италија, но и украсите со кои ќе биде украсена се направени во таа покраина во централна Италија. Официјалната инаугурација на дрвото и божиќното јасли ќе се одржи на 3 декември. На тој ден, пред самото отворање, Светиот Отец ќе прими официјални делегации.
Утрото на 17 ноември 2022 година на плоштадот Свети Петар беше поставена елка со висина од околу 26 метри, која пристигна во текот на ноќта од малиот планински град Росело во италијанската покраина Абруцо. Елката потекнува од расадник, а не од природен простор, а е избрана за сечење бидејќи претставувала опасност поради близината на неколку објекти.
Божиќната пештера е од Фриули
Украсите што ќе ја красат новогодишната елка ги изработија ученици од училиштата во Абруцо, баби и дедовци од дом за стари лица и пациенти на институција за психијатриска рехабилитација, а елката потоа ќе се искористи за добротворни цели. Елката ќе биде поставена покрај божиќната пештера, целосно направена од дрво, а доаѓа од Сутрија, општина недалеку од Удине, во италијанската покраина Фриули-Венеција Џулија. Во салата на Павле VI. во Ватикан исто така ќе се постави божиќна, а оваа година е донација од владата на Гватемала.
Инаугурација и аудиенција кај Папата
Традиционалното празнично свечена инаугурација на божиќната пештера и палење на светилките на божиќната елка ќе се одржи во сабота на 3 декември 2022 година со почеток во 17.00 часот. Церемонијата ќе ја води претседателот на управата на градот Ватикан, кардинал Фернандо Вергез Алзага, во присуство на генералниот секретар на администрацијата, сестра Рафаела Петрини. Светиот Отец тоа утро во аудиенција ќе прими делегации од Сутри, Росело и Гватемала при што официјално ќе бидат предадени подароците.
Ватикан њуз/к.мк
