Клиничката слика на Папата се подобрува, постоперативното закрепнување се одвива нормално
Медицинскиот тим кој го следи закрепнувањето на папата Фрањо по лапаротомијата и пластичната хирургија на абдоминалниот ѕид со протеза, преку соопштение објавено од Канцеларијата за печат на Светиот Престол, објави дека Светиот Отец почнал да се движи по појадокот, откако поголемиот дел од утрото го поминал во фотелја, така што читал весник и малку поработил. По втора ноќ помината мирно, одморот продолжува.
Клиничката слика постепено се подобрува, а постоперативното закрепнување тече нормално – извести лекарскиот тим што го придружува папата Фрањо по лапаротомијата и пластичната операција на абдоминалниот ѕид со протеза што ја направи на 7 јуни во болницата Гемели. Во соопштението за печатот што го објави Канцеларијата за печат на Светиот Престол во петок 9 јуни 2023 година нешто по 12.00 часот, се наведува дека Папата почнал да се движи по појадокот, бидејќи голем дел од утрото го поминал во фотелја. Ова – како што се наведува во соопштението – му овозможило да чита весник и малку да продолжи со својата работа.
Веќе изутрината Канцеларијата за печат на Светиот Престол извести дека Папата втората ноќ по операцијата ја помина мирно. Вчера, 8 јуни, Папата го помина денот во одмор и на течна диета. Хемодинамските и респираторните параметри се стабилни. Постоперативното закрепнување тече нормално – извести лекарскиот тим во соопштението објавено синоќа.
Во истото соопштение за медиумите се истакнува и дека вчера попладне, на празникот Тело и Крв Христови, Папата примил причест и дека телефонски и се јавил на мајката на детето што го крсти за време на неговата втора хоспитализација во болницата Гемели, на крајот од март, кога беше примен поради бронхитис, кога го посети детското онколошко одделение. Имено, Марсела, мајката на детето, вчера попладне отишла во болница за да ја изрази својата близина со Папата и му подарила постер со желби за брзо закрепнување. Папата, трогнат од нејзиниот гест, ѝ се јави за да се заблагодари.
Ватикан њуз/к.мк
