Кардинал Бањаско Папски пратеник на Евхаристискиот конгрес во Џенова
По повод престојниот Евхаристиски национален конгрес на Италија, кој ќе се одржи од 15 до 18 септември во Џенова, папа Фрањо го именува Неговото Високо Преосвештенство кардинал Анџело Бањаско, надбискуп на џеновската митрополија, за свој Специјален пратеник на оваа прослава.
Во писмото од Папата упатено до кардинал Бањаско, се вели дека на Конгресот ќе учествуваат многу верници Италијани: кардинали, бискупи, свештеници, монаси, монахињи, како и верници лаици за да го прослават Живиот извор на Црквата и залогот на идната слава (Unitatis Redintegratio, 15).
Сакајќи уште повеќе да ја подготвиме прославата на овој настан, го вперивме својот поглед кон тебе, чесен наш брате, вредни надбискупе на митрополијата на истиот град и претседател на Италијанската бискупска конференција. Поради тоа Те избираме и именуваме за свој специјален претставник, за да ја претставуваш на овој конгрес нашата личност и да бидеш толкувач и донесител на желбите и охрабрувањата кои ни се во срцето, сигурни дека со своите благородни квалитети на умот и талентите, како и со своето пасторално искуство, со големо внимание и со помош на Светиот Дух, ќе ја извршиш мисијата која ти ја доверуваме – пишува во писмото.
Во оваа среќнаta пригода која ни се пружи, сите верни учесници ги поттикнуваме на сè поголемо почитување кон Пресветата Евхаристија, Тајната на побожноста, врската на љубовта, Велигденската трпеза (Sacrosanctum Concilium, 47), и да се хранат за да бидат едни со други братски обединети и да соработуваат во градење на Црквата и за добро на светот.
Исто така, сакаме да ги повикаме сите да ја посетуваат – ако е можно секој ден, особено во тешкотиите од животот – Пресветата Тајна на бесконечната Христова љубов и милосрдие, која се чува во нашите цркви и неретко е напуштена; и синовски да разговараме со неа, во тишината да ја слушаме и мирно во Неа да се довериме – пишува Папата.
Освен тоа, со целата Црква кажуваме, или уште подобро, пееме со голема вера: „Tantum ergo sacramentum veneremur cernui et antiquum documentum novo cedat ritui; praestet fides supplementum sensuum defectui. Genitori Genitoque laus et iubilatio, salus, honor, virtus quoque sit et benedictio; Procedenti ab Utroque compar sit laudatio. Amen.”
На крајот, се молиме на Бог, преку застапништвотот на Пресвета Богородица, овој Национален евхаристиски конгрес да даде изобилство од духовни плодови, а како доказ за љубовта го доделувам својот Апостолкси благослов на вас, чесни брате и на сите учесници, барајќи ги за себе и оваа петровска служба вашите молитви – завршува Светиот Отец на крајот од своето писмо, упатено до кардиналот Бањаско (Ватиканска палата, 7.6.2016)
РВ/к.мк/Б.Р.
