Tag "Папа Фрањо"
Програма за Апостолската посета на Папата во Бахреин
Канцеларијата за печат на Светиот Престол во четврток, 6 октомври 2022 година, ја објави програмата за Апостолската посета на папата Фрањо на Бахреин по повод средбата „Бахреински форум за дијалог: Исток и Запад за човечки соживот“. Папата ќе престојува во Бахреин од 3 до 6 ноември 2022 година, а ќе го посети и градот Авали во центарот на земјата и главниот град Манама.
Папата: „Светците од соседството“ треба да се ценат
Примајќи ги во аудиенција учесниците на конференцијата насловена „Светоста денес“, организирана од Дикастеријата за прогласување на светци, Папата истакна дека светоста е радост, а не одрекување, напор и малодушност. Светецот кој е тажен е тажен светец, рече Папата, и им препорача мудро и проникливо расудување на оние кои се занимаваат со квалитетот на гласот на светоста.
Ќе се формира Комисија за сведоци на верата
За време на средбата на тема „Светоста денес“, кардиналот Марчело Семераро, префект на Дикастеријата за прогласување на свети, најави формирање на Комисија за сведоци на верата.
Генерална аудиенција: Молитвата и самоспознанието се основни елементи на христијанскиот живот
Молитвата и самоспознанието ни помагаат да се ослободиме одвнатре, духовно да растеме и да го најдеме своето место во животот. Ова го истакна папата Фрањо за време на Генералната аудиенција во среда, 5 октомври 2022 година, продолжувајќи со серијата катехези на тема расудување.
Објавена молитвената накана за октомври: За Црквата која оди заедно
Папата Фрањо ги повикува верниците во октомври да се молат посебно за Црквата за за да биде верна на Евангелието и смела во навестувањето, да биде место на солидарност, братство и прифаќање и сè повеќе да ја живее синодалноста.
Папата: Во свет на војни и разлики, Евангелието е надеж
Зборувајќи со Мисионерите облати на Безгрешна Марија, кои ги прими во аудиенција по повод нивното Генерално собрание, Папата истакна дека среде човечките трагедии треба да се сведочи за радоста и мирот и ги поттикна на заедништво, кое е предизвик од кој може да зависи иднината на нашиот заеднички дом.
Папата Фрањо: Повеќе достоинство за работата на морнарите
Во писмото упатено до учесниците на 25. Светски конгрес на апостолатот на морето – Stella Maris, кој започна на 2 октомври 2022 година во Глазгов, папата Фрањо се осврна на милион и пол луѓе од тој сектор, кои живеат далеку од своите семејствата и заедниците долго време, а денес се борат против деградирачката средина која ја става во ризик нивната работа, сериозно загрозена од пандемијата.
Папата се моли за жртвите од ураганот Иан и трагедијата на стадионот во Маланг
Папата во своето пладневно обраќање ја изрази својата близина со жителите на Куба и Флорида кои беа погодени од силен ураган. Покрај тоа, се моли и за оние кои ги загубија животите на стадионот во Маланг, Индонезија.
Папата го поттикна Путин да ја прекине војната, а Зеленски да биде отворен за сериозни мировни понуди
Загрижен поради нуклеарната закана и воената ескалација на конфликтот во Украина, папата Фрањо за време на пладневно обраќање пред молитвата Ангел Господов, во недела 2 октомври 2022 година, кога вообичаено зборува за литургиските читања од тој ден, го посвети за да упати силен апел за прекин на огнот. Покрај тоа, Папата повика на почитување на територијалниот интегритет на секоја земја, како и правата на малцинствата. Тој изрази длабока тага за илјадниците жртви, посебно за децата.
Папата: Планетата има ресурси за сите, а сепак гладува
Папата Фрањо упати порака до генералниот директор на ФАО по повод Меѓународниот ден за свеста за губење и фрлање храна, одбележан на 29 септември со резолуција усвоена од Генералното собрание на ОН на крајот на 2019 година
