Папата испрати порака до Доналд Трамп по повод церемонијата на инаугурација на претседателот на САД, која ќе се одржи на Капитол Хил во Вашингтон на 20 јануари 2025 година.
Светиот Отец му ја вети на политичарот својата молитва до Семоќниот Бог за мудрост, сила и заштита во службата на оваа висока функција.
„По повод вашата инаугурација како четириесет и седми претседател на Соединетите Американски Држави, ви испраќам срдечни поздрави и ги ветувам моите молитви Семоќниот Бог да ви даде мудрост, сила и заштита во исполнувањето на вашата висока функција“, пишува Папата.
Истакнувајќи ја вредноста на идеалите на американската држава, „земја на можности и гостопримство за сите“, папата Фрањо изрази надеж дека под водство на Трамп американскиот народ ќе напредува и ќе се труди да изгради „поправедно општество каде што нема место за омраза, дискриминација и отуѓување“.
„Истовремено“, истакна Папата, „бидејќи нашето човечко семејство се соочува со бројни предизвици, а да не зборуваме за злото на војната, исто така го молам Бога да ги води вашите напори за промовирање на мирот и помирувањето меѓу народите“.
„Со овие чувства – заклучува – Светиот Отец – молам за вас, вашето семејство и саканиот американски народ изобилен Божји благослов.
Ватикан њуз/к.мк
