Бројот на ходочесниците на Патот на Свeти Јаков постојано се зголемува, а лани достигна речиси половина милион
Според Канцеларијата за ходочестие во градот Сантијаго де Компостела, до дестинацијата за ходочестие, во градот во 2023 година пристигнале 446.035 ходочесници од целиот свет, што претставува нов рекорд. Мнозинството биле Шпанци, 44 отсто, а меѓу нив најбројни биле Андалузијците.
Меѓу странците кои биле на ходочестие во градот на свети Јаков во северозападна Шпанија, најбројни биле Американците, кои пристигнале 32.063 илјади, потоа Италијанците, 29.036 и Германците 24.342. Освен нив, најмногу имало Португалци, Французи, Британци, Мексиканци, Јужнокорејци, Ирци, Австралијци и Канаѓани.
Меѓу ходочесниците се застапени речиси сите меѓународно признати земји, а достапни се и податоци за најмал број ходочесници. По двајца ходочесници пристигнале од Лаос и Мјанмар и по едно лице од Лесото, Сенегал, Сомалија и Соломонските Острови. Меѓу ходочесниците имало и тројца граѓани на Ватикан. Жените биле побројни од мажите.
Заедничко за сите нив е тоа што добиле потврда за ходочестие во Канцеларијата за ходочестие во Сантијаго де Компостела врз основа на печат кој докажувал дека последните 100 километри од патеката ги поминале пеш или последните 200 километри со велосипед. Не се води евиденција дали меѓу велосипедистите има и такви кои патувале со електричен велосипед.
Евидентирано е и пристигнувањето на 198 ходочесници во инвалидски колички. Последната 2023 година ги надмина претходните рекордни години, во 2022 година пристигнале 438.321 ходочесници и 2019 година кога имало 347.511 ходочесници. Во осумдесеттите и почетокот на деведесеттите, бројот на ходочесници не надминувал десет илјади. Масовноста се зголемува со прогласувањето на Светите години на Компостела во 1993 (99.436), 1999 (154.613), 2004 (179.891) и 2010 (272.417). Во тие години, празникот Свети Јаков се паѓаше во недела.
Но, не доаѓаа сите посетители од верски причини. Од нив 42,6 отсто изјавиле дека дошле од верски причини, а дополнително 34,7 отсто дошле „од верски и други причини“. Патот на Свети Јаков 22,7 отсто го поминале од други причини кои не се од верски карактер. Одењето по Патот на Свети Јаков стана еден вид мода и одраз на животниот стил.
Туристичките компании реагираа на оваа појава со своевидни пакети на услуги, кои вклучуваат превоз на багаж, опис на рутата, резервација на хотел и итна помош.
Ватикан њуз/к.мк
