Како што е негов обичај пред патувањата – од почетокот на неговото папство – папата Фрањо во среда 26 април 2023 година се помоли во римската базилика Света Марија Велика во пресрет на неговото Апостолско патување во Унгарија.
Светиот Отец ја посети римската базилика Света Марија Велика повеќе од 100 пати, последен пат во среда, на 26 април, пред неговото 41. Апостолско патување во странство.
Овој викенд, од 28 до 30 април, Папата ќе престојува во унгарската престолнина Будимпешта, посета што ќе го однесе во центарот на Европа „каде што продолжуваат да дуваат ледените ветришта на војната додека движењата на многу луѓе на дневен ред поставуваат итни хуманитарни прашања“, рече Светиот Отец. по молитвата Царице небесна минатата недела на 23 април на плоштадот Свети Петар.
Тој, исто така, истакна дека Апостолското патување во Унгарија ја надополнува неговата претходна посета на Будимпешта, во средината на септември 2021 година, кога присуствуваше на 52. Меѓународен евхаристиски конгрес што се одржа во тој град.
За време на посетата на римската базилика, Светиот Отец се помоли пред иконата на Пресвета Богородица „Salus Populi Romani“ (Спасение на римскиот народ), икона која Римјаните посебно ја почитуваат.
Според соопштението на Канцеларијата за печат на Светиот Престол, Римскиот епископ, седејќи во инвалидска количка, се молел неколку моменти во тишина пред иконата. Откако се помоли за нејзина заштита за претстојното патување, Светиот Отец се врати во Ватикан.
Ватикан њуз/к.мк
