Претседателот на Собранието на Македонија Африм Гаши по повод празникот Рождество Христово – Божиќ упати честитка до бискупот Стојанов, која ја пренесуваме во целост.
Почитуван бискуп скопски и епарх струмичко-скопски Киро Стојанов,
Во духот на најголемиот христијански празник, Божиќ, ми претставува особена чест и задоволство да Ви упатам срдечни честитки, како и најискрени желби за здравје, среќа и благосостојба.
Божиќ е празник на мирот, љубовта и надежта, кој ги обединува луѓето во споделување на хуманите вредности и во духот на меѓусебна почит и разбирање. Нека овие празнични денови донесат радост и спокој во Вашето срце и срцата на сите католички верници во нашата држава.
Во име на Собранието на Република Северна Македонија и во мое лично име, Ви упатувам благодарност за Вашиот придонес кон јакнењето на верската толеранција, соживотот и заедништвото во нашето општество.
Нека светлината на Божиќ го осветли патот на сите граѓани кон поубава иднина исполнета со разбирање, љубов и заеднички успех.
Среќен Божиќ!
Со почит,
Африм Гаши
фото: Собрание.мк
