Светиот Отец ги посети бездомниците

По завршувањето на заседанието во синодската сала во четврток 15 октомври Светиот Отец ги посети бездомниците во новото преноќевалиште „Дар на милосрдието“, кое овие денови е отворено од Апостолската Добротворница во близина на Ватикан, а за таа цел просторијата е дарувана од Дружбата Исусова.

Во преноќиштето Папата е пречекан од монс. Конрад Крајевски, делител на милостината, патер Адолфо Николас, генерален поглавар на Дружбата Исусова и три сестри Мисионерки на љубовта, кои со волонтери служат во преноќиштето. Корисниците на преноќиштето со радост му изразија добредојде на Папата и му заблагодарија што конечно имаат кревет на кој можат да спијат. Папата ги поздрави и на сите 30 корисници им упати зборови на охрабрување и близина. Во преноќиштето се задржа околу половина час.

РВ/го*ко

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк
Категорија: Ватикан

За авторот