Преку Твитер Папата повика да ги прифатиме отфрлените

Преку Твитер Папата повика да ги прифатиме отфрлените

Светиот Отец последните денови своите пораки нa твитер ги посвети на социјалните прашања.

Така, во средата на 15 февруари 2017 година напиша дека „културата на отфрлање не доаѓа од Исус; другиот човек е мој брат без оглед на национална, социјална или религиска бариера.“ Следниот ден во центарот на вниманието го стави повикот за борба против сиромаштвото: „Ве повикувам да се придружите на борбата против сиромаштвото, како материјалното, така и духовното. Да градиме заедно мир и мостови на пријателство,“ стои во пораката на Папата на твитер.

Во пораката објавена на 17 февруари 2017 година, папата Фрањо истакнува дека „младото срце не поднесува неправда и не може да се прифати „културата на отфрлање,“ ниту да се попушти пред глобализацијата на рамнодушноста,“ а на 18 февруари 2017 година на своите пријатели им порача: „Колку често во Библијата Господ нѐ повикува да ги прифатиме мигрантите и странците, потсетувајќи нѐ дека и самите сме странци!“

РВ/к.мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма за умножување без писмена дозвола од редакцијата на Католици.мк

Категорија: Ватикан, Вести

За авторот