Папската академија за живот ги ажурираше Статутите објавени во 2016 година од папата Фрањо и воведе нова категорија, „поддржувачи“. Станува збор за лица кои се поистоветуваат со институционалните цели на Академијата и придонесуваат за унапредување на нејзините академски активности. Тие, по правило, немаат академски профил, но сакаат да ги поддржат целите што ги промовира Академијата.
Новите статути, потпишани од папата Лав XIV и датирани на 27 февруари 2026 година, ја утврдуваат структурата на институцијата преку четири целини: Претседателство, Централна канцеларија, Членови и Поддржувачи. Воедно, прецизирани се управувачките надлежности на Претседателството, а се потврдува и извршната и координативната улога на Централната канцеларија.
Поддржувачите се назначуваат на тригодишен мандат, со можност за обновување најмногу уште два пати. Назначувањето се врши со одлука на Управниот совет и со претходна согласност од Државниот секретаријат.
Според текстот, кој е резултат на процес започнат пред повеќе од една година, промените се реализирани преку уредна формална координација, вклучително и пренумерирање на членовите, без значајни новини во содржината.
Папската академија за живот е основана од Свети Иван Павле II преку Motu Proprio „Vitae Mysterium“ од 11 февруари 1994 година, со цел да ја брани и унапредува вредноста на човечкиот живот и достоинството на личноста.
Ватикан њуз/к.мк
