Во телеграма до кардиналот Шпенглер, претседател на Епископската конференција на Латинска Америка и Карибите, по повод 70-годишнината од основањето на тој Совет, Папата се заблагодари за неговата „служба во посланието за евангелизација“ и за неговата пастирска грижа за Божјиот народ кој е на ходочестие на тој „сакан континент“.
Благодарност до Епископскиот совет на Латинска Америка и Карибите (CELAM) „за мисионерското поттикнување и препознавање на неговата улога како знак на колегијалност, како и тело за контакт, соработка и служење на епископските конференции“. Ова го пишува Папа Лав XIV. во телеграма на португалски јазик, упатена до кардиналот Хаиме Шпенглер, надбискуп на Порто Алегре и претседател на ЦЕЛАМ. Поводот е 40-то редовно Генерално собрание на советот, кое ја одбележува 70-годишнината од Првата конференција на Латиноамериканскиот епископат и основањето на самиот Епископски Совет.
Папата нагласува дека епископите на Латинска Америка и Карибите „се собрани во колегијален дух за заедно да ги согледаат предизвиците што денешното време ги поставува за Црквата во Латинска Америка и да бараат, во чувствително и практично заедништво, пастирски иницијативи што водат до решенија во согласност со критериумите на Светото Писмо, Преданието и учењето на Црквата“. Папата го опишува Советот како тело во служба на Епископските конференции „во посланието за евангелизација и пастирска грижа за светиот и верен народ Божји кој е на ходочестие на „саканиот континент“.
„Во сегашната историска ситуација, во која голем број мажи и жени страдаат од тешкотии и сиромаштво предизвикани од постојани кризи на континентално и светско ниво“, продолжува Светиот Отец, „од суштинско значење е да се потсетиме дека Воскреснатиот, кој е присутен меѓу нас, е оној кој ја штити и ја води Црквата, оживувајќи ја во надеж, преку љубовта излеана во нашите срца од Светиот Дух кој ни е даден“.
Папата Лав XIV. повикува на молитва до Христос „да ја зајакне Црквата во нејзиното послание излегувајќи во пресрет на многу браќа и сестри, да им ја навести Исусовата порака за спасение и да ги направи учесници во радоста што доаѓа од личната средба со Него“. Папата ја завршува својата порака барајќи од нив да се молат до Добриот пастир за него, како што пишува: „за да можам секогаш да бидам верен на службата што ми ја довери за доброто на универзалната Црква“.
Ватикан њуз/к.мк
