Папата Фрањо до словачките ходочесници: Кога ќе се каже „да“ на Бог, тој ги отвора хоризонтите на мирот

Папата Фрањо до словачките ходочесници: Кога ќе се каже „да“ на Бог, тој ги отвора хоризонтите на мирот

Во пораката прочитана во ватиканската базилика, по повод националното јубилејно ходочестие на Словачка, Папата поттикна да се слуша Духот, во синодален стил, без страв од новото.

„Многу сакав да бидам присутен за да го споделам овој момент на вера и заедништво со вас“, напиша папата Фрањо во својата порака, изразувајќи жалење што не може да учествува на националното јубилејно ходочестие на Словачка. Неговата порака беше пренесена за време на светата Литургија во базиликата Свети Петар, а ја прочита претседателот на Словачката бискупска конференција и надбискуп на Кошице, Бернард Бобер. Меѓу 4.300-те ходочесници беше и словачкиот претседател Петер Пелегрини заедно со министри и апостолскиот нунциј во Словачка, надбискупот Никола Гирасоли.

Цел живот ходочесници

„Вашето ходочестие“ – пишува Папата – „е конкретен знак на желбата да се обнови верата, да се зацврсти поврзаноста со Петровиот наследник и радосни сведоци на надежта која не разочарува“.

Јубилејот нè повикува да ја следиме таа надеж која доаѓа од Христа, бидејќи „не поттикнува да станеме ходочесници во целиот наш живот“, на патот кон вечноста. Се состои од етапи, вклучувајќи патување во Рим, премин низ Светата врата и посети на гробовите на апостолите и мачениците.

„За вас, сестри и браќа Словаци, ова патување – додава папата Фрањо – продолжува со богатата христијанска традиција на вашата земја, плодна од сведоштвото на светите Кирил и Методиј и многу други светци, кои повеќе од илјада години ја натопуваат вашата земја со Христовото Евангелие.

Искрено ДА

Папата потсетува и дека „верата е богатство која треба радосно да се споделува“ и покрај тоа што живееме во тешки времиња, таа е „можност да растеме во довербата и да му се препуштиме на Бога“.

Затоа, нашето едноставно и искрено „да“, како она на Марија, може да стане инструмент во Божјите раце за да се постигне нешто големо. „Да се каже ДА – пишува Папата – денес може да се овозможи отворање на нови хоризонти на вера, надеж и мир, за нас и за сите кои Господ ни ги дава да ги сретнеме“.

На крајот, Папата повикува и во духот на Синодата да го слушаме Духот „не плашејќи се од новото, туку во него препознавајќи ја иницијативата на Бога кој секогаш нè изненадува“. Нека ве води и заштитува Богородица, заштитничка на Словачка, која особено ја почитувате како Богородица од седумте таги и која токму поради поврзаноста со страдањата на нејзиниот Син е Мајка на надежта“, заклучува папата Фрањо.

Ватикан њуз/к.мк

Категорија: Ватикан, Вести

За авторот