Обраќајќи им се на групата бегалци кои пристигнаа во Европа преку проектот „Хуманитарни коридори“, папата Фрањо рече дека иницијативата го пази достоинството на бегалците, ги урива ѕидовите на рамнодушноста и дава надеж на визијата за иднината во Европа.
Папата Фрањо во сабота наутро, 18 март 2023 година ја поздрави групата бегалци и членовите на нивните семејства кои пристигнаа во Европа преку хуманитарните коридори, како и претставници на институции и заедници.
Иницијативата е организирана од Заедницата Свети Егидиј, Федерацијата на евангелските цркви и Католичката црква во Италија, со поддршка од различни влади во Европа.
Основани во 2016 година како одговор на сè посмртоносната ситуација во Средоземното Море, каде што стотици луѓе трагично загинаа обидувајќи се да преминат на безбедно, коридорите имаат за цел да се избегнат опасните патувања, да ја запрат експлоатацијата од трговците со луѓе и да овозможат легален и безбеден влез во Италија и други земји преку неопходните безбедносни контроли на националните власти.
Досега, програмата овозможи повеќе од 5.300 бегалци да влезат во Европа, заедно со повеќе од 1.800 украински граѓани кои заедницата Свети Егидиј ги смести во различни европски земји.
Во своето обраќање, папата Фрањо рече дека хуманитарните коридори им овозможуваат на стотици луѓе кои бегаат од сериозно опасни ситуации во нивните земји да пристигнат безбедно, легално и достоинствено во нивните земји домаќини, рушејќи ги ѕидовите на рамнодушност кои ги урнаа надежите на толку многу луѓе кои треба да чекаат со години во болни и неподносливи ситуации.
Ватикан њуз/к.мк
