Музиката не е луксуз, туку дар од Бога за сите, нагласи папата Лав XIV за време на средбата со учесниците на 6-то издание на Концертот со сиромашните, што се одржа во салата Павле VI во Ватикан.
Светиот Отец присуствуваше на 6-то издание на Концертот со сиромашните во сабота попладне, 6 декември 2025 година, кој се одржа во салата Павле VI. Папата истакна дека оваа иницијатива, родена во срцето на неговиот претходник папата Фрањо, стана важен настан за Римската епархија.
Музиката ги поврзува небото и земјата
Обраќајќи се кон присутните, Папата ја истакна непроценливата вредност на музиката, која е божествен дар достапен за секој човек, без оглед на неговиот општествен статус или образование. Тој особено топло ги поздрави сиромашните, за кои првенствено се организира оваа прослава, заблагодарувајќи им се за нивното присуство.
Светиот Отец изрази благодарност до кардиналот Балдасаре Реина, кардиналот Конрад Крајевски и Дикастеријата за промоција на милосрдието, како и до разни добротворни организации, за нивниот придонес во подготовката на концертот.
Посебни зборови на благодарност беа упатени до изведувачите: Хорот на Римската епархија под раководство на маестро монсињор Марко Фрисина, Оркестарот на Нова Опера, како и солистите Михаел Бубле и Серена Аутиери.
Исус како љубовна песна
Лав XIV ја спореди музиката со мост што води до Бога, нарекувајќи ја имагинарна скала што ја поврзува земјата со небото. Тој забележа дека уметноста може да ги подигне срцата не затоа што нè тера да заборавиме на страдањето, туку затоа што нè потсетува на крајната вистина: ние сме сакани Божји деца, а тоа значи многу повеќе од нашите проблеми.
Потсетувајќи се на претстојното Христово раѓање, Папата привлече внимание на фактот дека ова таинство не е можно без музика и химни на пофалба, исто како што раѓањето на Исус беше придружено со пеењето на ангели.
Светиот Отец ги повика верниците да го живеат Адвентот, подготвувајќи ги своите срца за средбата со Господ, ослободувајќи се од себичноста и материјалните грижи, за да ја слушнат „песната на Божјата љубов“, која е самиот Исус Христос.
Ватикан њуз/к.мк
