Папата Лав XIV се сретна со раководството и членовите на Папската светската молитвена мрежа и им се заблагодари за нивната работа. Ги охрабри да продолжат со својата мисија и ги повика младите да учествуваат.
Папата Лав XIV им се заблагодари на раководството и членовите на Папската светската молитвена мрежа за нивната работа и ги охрабри да привлечат млади луѓе, за да можат да се приближат до Бога.
„Особено е важно да се поканат младите да учествуваат, за да можат да ја формираат следната генерација посредници за потребите на целиот свет“, рече Папата во своето обраќање до групата, со која се состана во петок, 30 јануари, во Ватикан.
Бидејќи многу млади луѓе „бараат подлабок и личен однос со воскреснатиот Исус, вашето Евхаристиско младинско движење може да биде особено плоден пат за да им помогнете да растат во подлабока близина со нашиот Господ“.
Папската светската молитвена мрежа е Папско дело доверено на друштвото Исусовци. Секој месец Мрежата ја објавува молитвената накана на Папата, која се фокусира на предизвиците со кои се соочува човештвото и Црквата. Мрежата е вкоренета во духовноста на Срцето Исусово, особено преку образовниот пат „Патот на срцето“.
Всушност, Папата истакна како оваа духовност им овозможува на Мрежата и нејзините членови „поблиску да го познаваат нашиот Господ и да бидат посочувствителни и емпатични“ „нудејќи им молитвена поддршка за оние на кои им е потребна“.
„Се надевам дека преку вашиот апостолат ќе продолжите да им помагате на крстените да разберат дека се пријатели и апостоли Христови“, нагласи тој.
Молитвата е составен дел од Црквата
Потоа Папата им се заблагодари на сите присутни за нивните „напори да ги прошират“ неговите молитвени накани „на десетици милиони луѓе во оваа светска мрежа кои секој ден ги изнесуваат овие потреби пред Бога“.
„Таквата молитва не е надворешна во однос на евангелското дело на Телото Христово, туку е негов составен дел“, продолжи тој.
Особено им се заблагодари на меѓународниот директор на Мрежата, отец Кристобал Фонес, како и на заменик-директорите, Бетина Раед и отец Мигел Мело, и на сите членови и партнери кои ја поддржуваат оваа мисија.
Ватикан њуз/к.мк
