Папата Фрањо испрати порака по повод Фестивалот за социјална наука на Црквата, кој се одржува во Верона, кој поттикнува промовирање на културата на средба и доверба, бидејќи тоа е излезот од логиката на војната, кој го гледа другиот како непријател, закана, узурпатор
Довербата и занесот се насоките што треба да се следат на патот кој е многу неопходен – порача папата Фрањо во пораката до учесниците на 12. фестивал за социјална наука на Црквата што се одржува во Верона.
Важноста да се „гради“ во време на конфликт
Заедничкото добро не е само можност, туку врска на која може да се изгради праведно, вистинско и убаво општество – истакна Папата во пораката во која ја пофали годинешната тема на фестивалот: „Градење доверба“. Занесот на средбата“. Потоа погледна наназад во актуелниот историски момент, обележан со темнина што произлегува од несреќните последици од војните.
Живееме во период на големи конфликти кои изгледаат дека ја негираат довербата, поддржана од чувството на сигурност и мир, кон другите. Да се потсетиме на бројните актуелни конфликти низ светот – ние сме во трета светска војна! – како и сиромаштвото кое е последица на тоа, страдања, невини жртви, деца на кои им е ускратена иднината… Тоа е мрачно сценарио кое бара решителна санација. Во оваа смисла, зборот што го избравте – „гради“ – е многу соодветен.
Не може да има доверба без другиот
Сепак, не треба да се занемари планирањето и да се потпира на случајноста. Планирањето е способност да се организираат идеи, иницијативи, занесни импулси, почитувајќи го времето потребно за се да се случи, како и времето на секој човек. Само таква завршена градба ќе може да ги издржи брановите на историјата. Упатството за доверба ќе биде потребниот знак за да се одржи целата структура цврста.
При тоа, Папата ги цитираше зборовите на пророкот Еремија, кој упатува на „понатаму“ што ни овозможува да не останеме робови на едностраните интереси и да имаме перспектива што ги надминува ограничувањата и противречностите; при тоа праша кому денес човек може да му верува.
Средбата треба да стане наша најголема желба
Средбата е она што е во основата на довербата, а занесот е искрата што го загрева срцето и ни дава да ги отвориме рацете кон другиот – рече Папата, потсетувајќи на охрабрувањето, содржано во енцикликата Fratelli tutti, да излеземе себе.
Тоа е димензијата што ни овозможува да ја претвориме себичноста во братство, рамнодушноста во занес, мечевите во плугови и копјата во српови. Тоа е начинот да се излезе од логиката на војната, која другиот го гледа како непријател, закана и узурпатор и ги исцртува можните патишта на мирот.
Значи, поттикот на папата Фрањо е да го промовираме и негуваме, секој во сопственото опкружување, овој тип на култура, по примерот на дон Адријано Винсенти, кој „ентузијастички“ го осмисли фестивалот што е во тек.
Ватикан њуз/к.мк
